Шударга өрсөлдөөн, хэрэглэгчийн төлөө газраас Арбидол эмийн үнийн өсөлт, хангамж дээр хяналт шалгалт хийсэн билээ.
Хяналт шалгалтаар:
Арбидол эм 2020 он, 2021 оноос худалдаалагдаж эхэлсэн бөгөөд 6000 төгрөгөөр худалдан борлуулагдаж байгаагүй нь тогтоогдсон.
Арбидол эмийн талаар: Эрүүл мэндийн сайдын холбогдох тушаалаар нэг удаагийн импортын зөвшөөрлөөр нэр бүхий 14 компани арбидол эмийг Монгол улсын зах зээлд ковид-19 цар тахалтай холбоотойгоор нийлүүлж байна.
Арбидол эмийн үнийн талаар: “Ач Үр” ХХК нь Арбивир №10 капсултайг 23400 төгрөгөөр эмийн сангуудад нийлүүлдэг бөгөөд өөрийн эмийн сангаар 29000 төгрөгөөр худалдаалж байна. “Мөнхийн тун” ХХК Арбивир №10 тайг өөрийн 13 эмийн сангаар 32000 төгрөгөөр худалдаалж байгаа бөгөөд бусад эмийн санд нийлүүлээгүй байна.
“Монос фарм трейд” ХХК нь Арбидол №20 тойг Моносын Улаанбаатар ХХК-ийн эмийн сангуудад 27720 төгрөг, бусад эмийн санд 31500 төгрөгөөр тус тус нийлүүлж байна. Тухайн эмийн сангууд нь 38000-43000 төгрөгийн хооронд худалдаалж байгаа нь тогтоогдсон.
Сэтгэгдэл (0)
Сэтгэгдэл бичигдээгүй байна