Макс Верстаппен улирлын 5 дахь түрүүгээ хүртлээ

Н.Сумъяасүрэн

2021/07/05

Авто спортын формула-1 уралдааны ДАШТ-ний ес дэх гараа өнгөрсөн амралтын өдөр Австрийн Штириягийн Шпильберг дэх авто тойруулгад явагдлаа. Тус гараанд “Ред Булл” багийн Нидерланд нисгэгч М.Верстаппен 1 цаг 23 мин 54:513 сек-н амжилтаар тэргүүлэн улирлын тав дахь түрүүгээ хүртэв. Макс энэ өдөр пол-позишн хийж уралдааныг тэргүүн эгнээнээс эхлүүлж уралдааны турш урдаа өрсөлдөгчөө алдаагүй бөгөөд тойргийг хамгийн хурдан хугацаанд тойрсон гээд амжилтаар дүүрэн байлаа.

Макс байрлал тогтоох гараанд тэргүүн байр эзэлснээр замналынхаа 7 дахь пол-позишныг хийсэн бөгөөд уралдааны турш тэргүүллээ хадгалсаар ээлжит түрүүгээр хүртсэн. Уралдааны дараа “Мерседес” багийн Л.Хэмилтон “Макс яг одоо хол явж байна” хэмээн ярьжээ. ДАШТ-ний 9 гарааны дараах байдлаар “Ред Булл” багийн М.Верстаппен 5 түрүүлснээр нийлбэр 182 оноогоор тэргүүлж байна. Дараагийн гараа энэ сарын 18-нд Их Британий Силверстоуны гараагаар үргэлжилнэ.

Австрийн гарааны онооны бүсэд багтсан нисгэгчид:

М.Верстаппен /Ред Булл/ – 1 цаг 23 мин 54.513 сек
В.Боттас /Мерседес/ – +17.97 сек
Л.Норрис /МкЛарен/ – +20.019 сек
Л.Хэмилтон /Мерседес/ – +46.452 сек
К.Сайнз /Феррари/ – +57.144 сек
С.Перес /Ред Булл/ – +57.915 сек
Д.Риккиардо /МкЛарен/ – +1 мин 00.395 сек
Ч.Леклер /Феррари/ – +1 мин 01.195 сек
П.Гасли /Альфа Таури/ – +1 мин 01.884 сек
Ф.Алонсо /Рено/ – +1 тойрог

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ