Замын-Үүд боомтоор өдөрт 100 машин гарч иргэд, ААН-үүдийн ачаа тээвэр гацаад удаж байгаа асуудлыг Засгийн газар анхааралдаа авч шалгалтын ажлын хэсэг шинээр байгуулсан. Энэ хүрээнд ХЗДХ-ийн сайд Х.Нямбаатараар ахлуулсан АТГ, ТЕГ, ЦЕГ, МХЕГ зэрэг хууль хяналтын байгууллагууд багтсан том хэмжээний шалгалтын ажлыг хэсэг Дорноговь аймгийн Замын-Үүдэд өнөөдөр /2021.07.06/ ажиллаж байна. Зарим албан тушаалтнуудыг шалгах, саатуулах цаашлаад албан тушаалаас нь чөлөөлөх асуудал яригдаж байна. Манай сурвалжлах баг газар дээрээс нь мэдээллийг шууд дамжуулах болно.
Өнгөрсөн Баасан гаригт Ерөнхий сайд Л.Оюун-Эрдэнэ Дорноговь аймгийн Замын-Үүд суманд ажиллаж нөхцөл байдалтай танилцсан. Өнөөдрийн байдлаар хилээр өдөрт 100 машин гарч байна. Энэ нь жирийн үеийнхээс гурав дахин буурсан үзүүлэлт. Хоёр талдаа бөөгнөрөл үүссэн нь барилгын материал, хүнс, гэр ахуй болон өргөн хэрэглээ бүтээгдэхүүн, үйлдвэрийн тоног төхөөрөмж, сэлбэг, багаж хэрэгсэл, бодис, төрөл бүрийн түүвэр ачаа, шуудан, сайжруулсан түлшний бэхжүүлэгч зэрэг хүлээгдэж байгаа.
Иймд Замын-Үүд боомтод үүсээд буй асуудлыг шийдвэрлэх ажлын хэсгийг шинээр байгуулж, 30 хоногийн хугацаанд боомт дахь нөхцөл байдал сайжрахгүй, ажил эрчимжихгүй бол албан тушаалтнуудад хариуцлага тооцож, солих хүртэл арга хэмжээ авна гэж Ерөнхий сайд Л.Оюун-Эрдэнэ мэдэгдсэн билээ.
23°C
Сэтгэгдэл (61)