УИХ-ын чуулган завсарласан энэ үед гишүүд амарч зугаалж, ихэнх нь хөдөөгүүр голдуу амарч байна. Ерөнхийлөгч саяхан Хөвсгөлд амарч байгаад ирсэн бол УИХ-ын дарга Г.Занданшатар наймдугаар сарын 4-ны өдөр Баян-Өлгий рүү явахаар төлөвлөвжээ. Ингэхдээ Алтай Таванбогдод нийтдээ дөрвөн өдрийн аялал хийх юм байна.
Аяллын бүрэлдэхүүнд хууль хүчний байгууллагуудын цөөнгүй хүмүүс багтжээ. Цар тахалтай энэ үед аялал зугаалгад олуул явж хөдөөгүүр коронавирусийн халдвар тараахгүй байхыг УОК, Эрүүл мэндийн яамнаас анхааруулсаар ирсэн. Гэтэл бусдад үлгэр дуурайлал үзүүлэх ёстой төрийн гурван өндөрлөгүүд нь өргөн хүний бүрэлдэхүүнтэй аялал зугаалга хийж байгаа нь иргэдэд таагүй сэтгэгдэл төрүүлэх нь лавтай.
Баян-Өлгий аймаг халдварын тархалт хамгийн өндөртэй тооцогдож буй. Өнгөрсөн хоногт Баян-Өлгий аймагт хамгийн олон буюу 195 хүн шинээр халдвар авсан гэж ЭМЯ-наас мэдээлсэн.
Сэтгэгдэл (0)
Сэтгэгдэл бичигдээгүй байна