“Эрдэнэт" үйлдвэрийн хамтын ажиллагаа, нийгмийн асуудал хариуцсан орлогч захирал Д.Дэлгэрбаярыг албан тушаалаас нь чөлөөлж, түүний оронд нь МАН-ын Нарийн бичгийн дарга асан Ц.Бат-Энхийг томилжээ. Хуулийн дагуу "Эрдэнэт үйлдвэр" ТӨҮГ-ын Ерөнхий Захирал Х.Бадамсүрэн уг шийдвэрийг гаргахын тулд Төрийн Өмчийн Бодлого, Зохицуулалтын газартай зөвшилцдөг. Энэ дагуу уг зөвшилцөөг өнгөрөгч Баасан гаригт хийжээ.
Ц.Бат-Энх нь “Эрдэнэт” үйлдвэрийн Хүний хөгжлийн асуудал хариуцсан захирлаар ажиллаж байгаад 2016 онд МАН-ын нарийн бичгийн даргаар сонгогдсон юм. Улмаар 2017 оны арваннэгдүгээр сард хуралдсан МАН-ын XXVIII ээлжит хурлаас нарийн бичгийн даргаар дахин сонгогдон ажиллаж байжээ.
Тэрбээр өнгөрсөн оны хоёрдугаар сард БНСУ-аас Японоор дамжин ирэхдээ Улсын онцгой комиссын шийдвэрийг эсэргүүцсэн, тусгаарлагдахаас татгалзсан байдаг. Улмаар төрийн албан хаагчдын хууль ёсны шаардлагыг биелүүлээгүй Ц.Бат-Энхийг албадан тусгаарлаж мөн МАН-ын нарийн бичгийн даргын албан тушаалаас нь чөлөөлж байв.
Сэтгэгдэл (0)
Сэтгэгдэл бичигдээгүй байна