38 настай М.Лопез “нас бол тоо” гэдгийг харууллаа

Л.Бямбажав

2021/08/03

Олимпын наадмын сонгомол бөхийн 130 кг-н жинд Куба улсын алдарт бөх Михаин Лопес түрүүлж 38 насандаа олимпын наадамд 4 дэх удаагаа түрүүллээ. Кубын алдарт бөх М.Лопес хэсгийн аваргын төлөө жингийнхээ тэргүүн бөх 31 настай Турк улсын Рыза Каяалптай барилдаж ялсан бол аваргын төлөө 27 настай Гүрж улсын Кажая Якобтой барилдан 5-0 харьцаатай хожиж аваргын алтан медалийг хүртсэн.

М.Лопес Бээжин-2008, Лондон-2012, Рио-2016, Токио-2020 олимпын наадамд хүнд жинд дараалан түрүүлснээр сонгомол бөхийн төдийгүй чөлөөт бөхийн түүхэнд урьд өмнө нь байгаагүй түүхэн амжилт үзүүлэв. Олимпын наадмын сонгомол бөхийн төрөлд хошой аваргууд нэлээд хэд байдаг. харин 3 дараалан түрүүлсэн Куба улсын М.Лопес болон Оросын алдарт бөх Александр Карелин гэсэн бөхчүүд байсан бол Кубын Михаин Лопес амжилтаа ахиулан дөрвөн олимп дараалан түрүүлж “нас бол тоо” гэдгийг залууст харуулж сонгомол бөхийг эзэгнэгч гэдгээ харуулав.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ