2021/09/23
USD 2,811

ЗГ: Түрээсийн орон сууцны хөтөлбөртэй холбоотой иргэдээс тавьж буй шаардлагыг хэлэлцэнэ

Ш.АДЪЯАМАА
2021/08/11

Засгийн газрын ээлжит хуралдаан болж байна.Хуралдаанаар 19 асуудал хэлэлцэхээр төлөвлөжээ. Хуралдаан бүрийн эхэнд коронавирусийн нөхцөл байдлыг танилцуулахаас гадна 10 их наяд төгрөгийн цогц төлөвлөгөөний хэрэгжилтийн талаар танилцуулдаг уламжлалтай. Өнөөдрийн хуралдаанаар хэд хэдэн хуулийн төслийг Засгийн газарт танилцуулах юм байна. Тухайлбал, Байгаль орчныг хамгаалах тухай хуульд нэмэлт оруулах тухай хуулийн төсөл болон дагалдах хуулийн төсөл, УИХ-ын гишүүн Т.Аюурсайханы санаачлан боловсруулсан Автотээврийн хэрэгсэл эзэмшигчийн хариуцлагын даатгалын тухай хуулийн төсөлд Засгийн газраас өгөх санал, дүгнэлт,

  • УИХ-ын гишүүн Д.Цогтбаатарын санаачилсан Монгол Улсыг мэдээллийн технологийн гарааны бизнесийн эдийн засгийн чөлөөт бүс болгох тухай хуулийн төсөлд Засгийн газраас өгөх санал, дүгнэлт,
  • Газар ашиглах гэрээ байгуулж, гэрчилгээ олгох тухай Засгийн газрын тогтоолын төсөл,
  • Үдийн хоолны зардлын тухай норматив тогтоох тухай Засгийн газрын тогтоолын төсөл,
  • Улаанбаатар хотын авто замын түгжрэлийг бууруулах, нийтийн тээврийн чанарыг сайжруулах, хүртээжийг нэмэгдүүлэх төсөл, арга хэмжээний талаар, Халамжаас хөдөлмөрт шилжүүлэх шинэчлэлтийн зорилтын талаар, 
  • Түрээсийн орон сууцны хөтөлбөртэй холбоотой түрээслэгч иргэдээс тавьж буй шаардлагын талаар (Буянт-Ухаа 2 хороолол, Хангай хотхон)
  • Хөшигийн хөндийн ашиглалтын өмнөх захиргаа байгуулах талаар,
  • Эрүүл мэндийн салбарын цахим шилжилтийн ажлын явцын талаар,
  • Хүн амыг өвчнөөс урьдчилсан сэргийлэх, эрт илрүүлэх үзлэг, оношлогоонд хамруулах арга хэмжээний талаар.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна