2021/09/19
USD 2,811

Баян-Өлгий аймагт наймдугаар сарын 15-наас эхлэн хот болон бусад аймгаас ирэх хөдөлгөөнийг зогсооно

Ш.АДЪЯАМАА
2021/08/11

Баян-Өлгий аймагт халдварын тархалт хамгийн өндөр байгаа билээ. Тиймээс тус аймагт 10 хоногийн хөл хорио тогтоох талаар тус аймгийн Засаг дарга мэдээлэл өглөө.

Аймгийн Засаг дарга Д.Бауыржан "Баян-Өлгий аймагт коронавирусийн халдварын тархалт өндөр эрсдэлтэй гэсэн мэргэжлийн байгууллагын дүгнэлт гарсан. Халдварын нөхцөл байдал маш хүндэрч байна.Эрүүл мэндийн салбар болон төрийн байгууллагуудын ажилтнууд бүгд өвдөж байна. Мөн үйлчилгээний байгууллагын ажилтнууд өвдөж байна. Тиймээс наймдугаар сарын 15-25-ны хооронд 10 хоногийн хугацаатай хот болон бусад аймгаас зорчигч, аялагчид ирэх хөдөлгөөнийг зогсоох саналыг АОК-т танилцуулна.Харин хот болон бусад аймаг руу явах хүмүүс нь явна. Дээрх хугацаанд аймгийн хэмжээнд барааны дэлгүүр, дэлгүүр зэрэг үйлчилгээний төвүүдийн үйл ажиллагааг зогсоох асуудлыг хөндөж тавина. Зарим үйлчилгээний газрыг цагийн зохицуулалтаар ажиллуулна.Вакцинжуулалтын ажлыг эрчимжүүлэхээр төлөвлөж байна. Аялал, найр наадмаас халдвар тархсан. Аймгийн аялал жуулчлалын газруудын үйл ажиллаагааг мөн зогсооно" гэлээ. 




Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна