Иргэн Б.Амгаланбаатар "Ардчилсан намын төв байр болох энэ газрын эзэмшигч нь АН-ын дарга асан С.Эрдэнэ. Тэрбээр энэ газрыг зөвшөөрлийг анх авахдаа “Төгс эрдэм сан” төрийн бус байгуулланын нэр дээр 2010 онд 330 метр газрыг хөгжлийн бэрхшээлтэй хүүхдийн хөгжлийг дэмжих төв байгуулна хэмээн авсан. Сургалт явуулах, өсвөр насны хүүхдүүдийг дэмжих зориулалттай ашиглалтад орсон байр өнөөдөр өөр чиглэлээр үйл ажиллагаа явуулж байна. 2014 онд ашиглалтад ороход газрын алба руу дахин хүсэлт явуулж хөгжлийн бэрхшээлтэй хүмүүст зориулсан шат, орох гарах гарц хийх хэрэгтэй гэдэг шалтгаанаар дахин 600 метр газрын зөвшөөрөл авсан. Гэтэл зориулалтын дагуу ашиглаагүй энэ барилгын газрыг эрх мэдлээрээ далимдуулж авсан нь анхаарал татаж байгаа юм. Өнөөдрийн байдлаар энэ обьект дотор тусгай хэрэгцээт хүмүүст зориулсан нэг ч төрийн бус байгууллага байдаггүй. Тиймээс иргэдийн төлөөлөл бид Авилгатай тэмцэх газарт хандаж С.Эрдэнийг шалгуулах өргөдлөө өгч байна. Энэ баримт мэдээллийг нийслэлийн Архивын газраас авсан. Цаашид шийдвэрлүүлэхийн тулд тэмцэх болно"гэлээ.
Сэтгэгдэл (0)
Сэтгэгдэл бичигдээгүй байна