Улаанбаатар хотод шинээр баригдах цэвэрлэх байгууламж нь Сонгинохайрхан дүүргийн 20-р хорооны нутаг дэвсгэрт байрлах ба хуучин цэвэрлэх байгууламжийн баруун талд био-цөөрмийг шинэчлэхээр төлөвлөсөн талбай дээр 17.6 га газрыг ашиглан барихаар төлөвлөжээ. Улаанбаатар хотын төв цэвэрлэх байгууламжийг шинээр барих төслийн санхүүжилтийн эх үүсвэрийг БНХАУ-ын Засгийн газраас Монгол улсын Засгийн газарт олгох /1.0/ нэг тэрбум ам.долларын зээлийн хүрээнд батлагдсан техник, эдийн засгийн үндэслэлийн дагуу барьж байгуулахаар шийдвэрлэсэн билээ.
Төслийн цэвэрлэх байгууламжийн хүчин чадал нь хоногт 250,000м3 ахуйн болон урьдчилан цэвэрлэсэн үйлдвэрийн хаягдал усыг Монгол улсын MNS:4943-2015 стандартын түвшинд хүргэж цэвэршүүлэх, байгаль орчинд үзүүлэх нөлөөллийг бууруулах зорилготой.
Хуучин байгууламж нь 160-170 мянган м/куб усыг хүлээн авч буцаагаад цэвэршүүлэн байгальд нийлүүлэх хүчин чадалтай. Энэ нь 500 мянган хүн амд зориулсан хүчин чадалтай байсан бол өнөөдөр 1,2 сая хүнтэй Улаанбаатарт хүчин чадал нь мөхөстөж байна гэсэн үг.
Шинэ байгууламж нь 250 мянган м/куб цэвэрлэх хүчин чадалтай бөгөөд ашиглалтад ороход хуучин цэвэрлэх байгууламжтайгаа хослуулан ажиллуулснаар 420 мянган м/куб усыг цэвэрлэх боломжтой болох юм.
16°C
Сэтгэгдэл (0)
Сэтгэгдэл бичигдээгүй байна