Ховд аймагт Covid-19 халдварын дельта вирусийн 11 тохиолдол илэрчээ. Баян-Өлгий аймагт дельта вирус бүртгэгдсэнтэй холбогдуулан Ховд аймагт энэ төрлийн вирус орж ирсэн эсэхийг илрүүлэх зорилгоор Covid-19-ийн халдвартай 50 иргэний сорьцыг наймдугаар сарын 15-ны өдөр ХӨСҮТ-рүү явуулсан байна. Эхний ээлжинд 20 сорьцоос шинжилгээ авахад 11-ээс нь дельта вирус илэрчээ. Үлдсэн 30 сорьцын хариу хүлээж байгаа аж.
Тус аймагт өнөөдөр коронавируст халдварын батлагдсан тохиолдол 152-оор нэмэгдэж нийт 4068 боллоо.Тодруулбал, Ховд сумаас 5, Булган сумаас 12, Манхан сумаас 20, Чандмань сумаас 6, Зэрэг сумаас 1, Дуут сумаас 2, Цэцэг сумаас 5, Дөргөн сумаас 2, Мөнххайрхан сумаас 2, Дарви сумаас 12 иргэнээс халдвар илэрчээ. Харин Жаргалант сумаас 97 иргэнээс халдвар илэрсэн байна.
Сэтгэгдэл (0)
Сэтгэгдэл бичигдээгүй байна