Д.Оюунхоролыг Хөшигийн хөндий дэх Засгийн газрын Бүрэн эрхт төлөөлөгчөөр томиллоо

Засгийн газрын өнөөдрийн хуралдаанаар УИХ-ын гишүүн асан Д.Оюунхоролыг Хөшигийн хөндийн бүтээн босголтын асуудал хариуцсан Засгийн газрын Бүрэн эрхт төлөөлөгчөөр томиллоо.  Олон улсын нисэх буудал 2021 оны долдугаар сарын 04-ний өдрөөс үйл ажиллагаа нь эхэлсэн. Сонирхуулахад, түүний нөхөр  Г.Жаргалсайхан Монгол Улсаас Хонконгод суух Ерөнхий консулаар ажилладаг билээ.

Д.Оюунхорол нь:

• 1981 онд Төв аймгийн 10 жилийн дунд сургууль
• 1986 онд Улсын багшийн дээд сургууль Математикийн багш мэргэжлээр
• 2003 онд Монгол Улсын Их Сургууль Эрх зүйч мэргэжлээр тус тус төгссөн

Ажилласан байдал

• 1986-1987 онд Нийслэлийн 10 жилийн 26 дугаар дунд сургуульд Математикийн багш
• 1987-1989 онд Нийслэлийн 10 жилийн 26 дугаар дунд сургуульд хичээлийн эрхлэгч
• 1989-1990 онд Туул хорооны Хувьсгалт Залуучуудын Эвлэлийн хорооны нарийн бичгийн дарга
• 1990-1991 онд Нийслэлийн 10 жилийн 32 дугаар дунд сургуулийн хичээлийн эрхлэгч
• 1991-2000 онд Отгонтэнгэр дээд сургуулийн ректор
• 2000-2004 онд Монгол Улсын Их Хурлын гишүүн
• 2004-2008 онд Отгонтэнгэр их сургуулийн ерөнхийлөгч
• 2008-2009 онд Монгол Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны дарга
• 2008-2012 онд Монгол Улсын Их Хурлын гишүүн
• 2012-2016 онд Монгол Улсын Их Хурлын гишүүн
• 2014-2015 онд Монгол Улсын Засгийн газрын гишүүн, Байгаль орчин, ногоон хөгжил, аялал жуулчлалын сайд
• 2016-2020 онд Монгол Улсын Их Хурлын гишүүн
• 2016-2017 онд Монгол Улсын Засгийн газрын гишүүн, Байгаль орчин, аялал жуулчлалын сайд
• 2019-2020 онд Монгол Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны даргаар тус тус ажиллаж байв.