И-Монголиа өнөөдрийн байдлаар 56 байгууллагын 539 үйлчилгээг үзүүлж байна. Үүнээс иргэдийн хамгийн их ашиглаж буй үйлчилгээ нь нийгмийн даатгалын шимтгэл төлөлтийн талаарх тодорхойлолт, жолоочийн лавлагаа, мэдээлэл, оршин суугаа хаягийн лавлагааг хамгийн их хандалттай байна.
Хатуу хөл хорионы үед иргэд, ААН-үүд төрийн үйлчилгээг цахим хэлбэрээр авсан тоо зургаа дахин нэмэгджээ. Тухайлбал, нийт 1.2 сая иргэнд вакцины гэрчилгээ олгожээ. Тэгвэл И-Монголиаг улам өргөжүүлж, "И-Монголиа 2.0" энэ оны аравдугаар сарын 1-нд ашиглалтад орох бөгөөд шинээр таван функц нэмж оруулах талаар Харилцаа холбоо, мэдээллийн технологийн газрын дарга Б.Болор-Эрдэнэ танилцууллаа.
Жолооны үнэмлэхээ мартаж гараад машинаа бариад явж байтал цагдаа зогсоогоод хурууны хээгээр нь таныг мөн гэдгийг баталчихаад байхад үнэмлэхгүй явж байна гэж торгодог. Тэгэхээр энэ асуудлуудыг шийднэ. Хоёрдугаарт "Виз бөглөхөд гадаад паспортынхоо бүх датаг оруулдаг. Тэр бүх мэдээллийг гаргаж өгнө. Ингэснээр лавлагаа тодорхойлолт авах нь багасна. Иргэдийн хувьд олон бичиг баримт аваад явах шаардлагагүй болох юм байна. Мөн ачаа тээвэрлэлтийн С зөвшөөрлийн асуудлыг цахимжуулахаар болжээ. "И-Монголиа 2"-ын хөгжүүлэлтийг 200-300 сая төгрөгт багтааж хийх аж.
ВИДЕО:
Сэтгэгдэл (0)
Сэтгэгдэл бичигдээгүй байна