Өмнөговь аймгийн Даланзадгад, Манлай, Цогтцэций, Ханбогд сумдад коронавирусийн халдвар буурч байгаа боловч Цогтцэций суманд орших Цагаан хад суурьшлын бүсэд гарах халдварын тоо нэмэгдэж байгаа учир "Ногоон бүс" болгох зорилгоор нүүрс тээврийн үйл ажиллагааг 14 хоногийн хугацаанд түр зогсоожээ. Халдвар хамгааллын дэглэмийг баримталж орох, гарах хөдөлгөөнд зохицуулалт хийж байсан ч ийнхүү халдвар ихээр бүртгэгдэх болсон байна. Тиймээс УОК-оос ажлын хэсэг гаран газар дээр нь ажиллахаар болсон байна.
Энэ тухай БНХАУ-ын “SXCoal” хэвлэлд Монголын нүүрс тээврийн жолооч нарын “PCR” шинжилгээнээс дахин коронавирусийн халдвар илэрч, даваа гаригт Өмнөговь аймгийн Гашуунсухайт боомттой хиллэдэг Ганцмод боомтын үйл ажиллагааг зогсоосон. Улмаар Хятадын зах зээлд цар тахлын хязгаарлалтын улмаас Монголын коксжих нүүрсний импорт зогсож болзошгүй тухай мэдээллэсэн байна.
Харин зэсийн тээвэр хэвийн явж байгаа бөгөөд Хятадын талаас хэд хоногийн хязгааалалт тавих мэдээллийг албан ёсоор ирүүлээгүй байна.
16°C
Сэтгэгдэл (12)