2021/09/20
USD 2,811

Өнөөдөр Ерөнхийлөгч, Ерөнхий сайд медаль хүртсэн тамирчдыг хүлээн авна

Ш.АДЪЯАМАА
2021/08/25

“Токио 2020” зуны XXXII олимпын наадамд амжилт гаргасан тамирчин, дасгалжуулагчдыг хүлээн авч, хүндэтгэл үзүүлэх үйл ажиллагаа  өнөөдөр /2021.08.25/ болно. Цар тахлын үеийн журмын дагуу Токио хотоос хамгийн сүүлд ирсэн баг тамирчдын 14 хоногийн тусгаарлалт өчигдөр дууссан тул өнөөдөр / 2021.08.25/ 10.00 цагт Монгол Улсын Ерөнхийлөгч У.Хүрэлсүх, мөн өдрийн 12.30 цагт Монгол Улсын Ерөнхий сайд Л.Оюун-Эрдэнэ нар хүлээн авч уулзахаар товложээ. 

Олимпын наадамд оролцсон баг тамирчдаас Жүдо бөхийн эмэгтэйчүүдийн 48 кг-ийн жинд М.Уранцэцэг, эрэгтэйчүүдийн 73 кг-ийн жинд Ц.Цогтбаатар нар хүрэл медаль, эрэгтэйчүүдийн 81 кг-ийн жинд Саеид Моллай мөнгөн медаль, Чөлөөт бөхийн эмэгтэйчүүдийн 53 кг-н жинд Б.Болортуяа хүрэл медаль тус тус хүртсэн.

Амжилт гаргасан Саеид Моллаейд 60 сая, М.Уранцэцэг, Ц.Цогтбаатар, Б.Болортуяа нарт тус бүр 30 сая, дасгалжууулагч Х.Болдбаатарт 45, М.Бундмаа, Б.Баттулга нарт 15 сая төгрөгийг олгохоор Засгийн газар шийдвэрлэсэн.

Түүнчлэн олимпын наадмаас алтан медаль авсан тамирчинд 4.0 сая төгрөг, мөнгөн медаль авсан тамирчинд 3.0 сая төгрөг, хүрэл медаль авсан тамирчинд 2.0 сая төгрөгийн мөнгөн урамшууллыг сар бүр олгохоор зааж, 5.5 дахь заалтын дагуу сар бүрийн урамшуулал нь ирэх оны 2022 оны 1 -р сараас эхлэх олгохоор заасан байдаг. Өөрөөр хэлбэл журмын дагуу “Токио-2020” олимпын наадмаас медаль хүртсэн манай 4 тамирчинд сар бүрийн урамшуулал нь 2022 оны  нэгдүгээр сарын 01-ний өдрөөс эхлэн олгогдоно.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.89.148
Энэ сар болгон олгож байгаа мөнгийг болих хэрэгтэй шдээ хүн шудрагаар хөдөлмөрлөж байж цалин авдаг биздээ Зүгээр сууж байж сая саяаар авдаг явдал нийгэмд байж таарахгүй
Хариулах
66.181.161.45
sar bur ugdug munguu odoo bolio uls hetsuu bhd boli
Хариулах
202.55.188.105
Eniig guih ymuu haashaa ym. Gonshgonoson Molomiig awuul2
Хариулах
66.181.161.61
Molom arai l turuuleed gomdol nehej deee bas manai irgenshilees tatgalzaad bgaan bish uu
Хариулах