2021/09/23
USD 2,811

Соёлын өвийн эсрэг гэмт хэрэгтэй тэмцэх цагдаагийн нэгжтэй болно

М.Төгөлдөр
2021/08/31

Монгол Улсын Соёлын сайд Ч.Номин соёлын биет өвийн хадгалалт, хамгаалалтын асуудлаар танилцуулга хийлээ. Соёлын сайдын тушаалаар Соёлын дэд сайдаар ахлуулсан ажлын хэсэг байгуулагдаж, нийслэл болон орон нутаг дахь соёлын биет өвийн хадгалалт хамгаалалтын аюулгүй байдалд шалгалт явуулсан юм.

Шалгалтаар музейн хяналтын камер, дохиоллын систем хуучирч, ашиглалтын шаардлага хангахгүй болсон, харуул хамгаалалтын ажилтны камер, дохиоллын системтэй харьцаж ажиллах чадвар сул зэргээс үүдэн соёлын эсрэг гэмт хэрэг зөрчил гарч байгаа нь тогтоогдсон байна. Мөн сүүлийн жилүүдэд соёлын өвийн эсрэг гэмт хэрэг, зөрчлийн тоо хэмжээ нэмэгдэх хандлагатай байгаа тул хууль сахиулах байгууллагад соёлын өвийн эсрэг гэмт хэрэг, зөрчилтэй тэмцэх нэгж байгуулж ажиллуулах шаардлагатай зэрэг дүгнэлт гарчээ.

Иймд төрийн болон орон нутгийн өмчийн музейн дохиолол, хяналтын камерын системийг шинэчлэхийг Соёлын сайд Ч.Номин, Сангийн сайд Б.Жавхлан нарт, Цагдаагийн Ерөнхий газрын Эрүүгийн цагдаагийн албанд соёлын өвийн эсрэг гэмт хэрэгтэй тэмцэх чиглэлийн нэгж байгуулах талаар зохих арга хэмжээ авч хэрэгжүүлэхийг Хууль зүй, дотоод хэргийн сайд Х.Нямбаатар, Цагдаагийн Ерөнхий газрын дарга Ж.Болд нарт даалгалаа.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.92.99
үзэл бодлоо илэрхийлж байна гээд өөрийгөө ямар гэдгийг л харуулах юмдаа. Ийм тийм гэхээсээ илүү гарц гаргалгаа дээрээ ингэж бичдэг болоосой
Хариулах
202.179.24.183
Хувьсгалаас өмнө монгол эрчүүдийн ихэнх нь лам, хуврага, хүрээ хийдэд шавилан суудаг байжээ. Одоо бүгд цагдаа болох юм байна. Улаанбаатар хот л гэхэд улсын нийслэл гэхээсээ илүү цагдаагийн хуаран гэлтэй харагддаг шүү. Эргэн тойрон булан тохой бүрт 3-4 цагдаа байдаг. Тэд зайлуул засагтаа төсвийг нь бүрдүүлэх гэж үйлээ үздэг бололтой. Иргэдээ торгож төрийн данхар бүтэцээ тэжээдэг байх. Манайхан ч яахав зөрчил гаргаж ханах биш булан тойроод л торгуулна.
Хариулах
103.229.122.140
тийм төрлийн цагдаатай болно гээд болдог тэгээд хийсэн зүйл сонсогдоггүй. Жишээ экологийн цагдаа ямар хэрэг илрүүлж шийдэвээ
Хариулах
66.181.161.99
Нямдорж Нямбаатар нар байгаа дээрээ ерөөсөө 200 мянган төрийн албан хаагчдаа цагдаа болгочихвол яасан юм бэ.
Хариулах