Экспортод зориулсан бүтээгдэхүүн үйлдвэрлэдэг жижиг ба дунд үйлдвэрүүд ачаа барааны хүргэлттэй холбоотой асуудлаас болж үйлдвэрлэлээ хязгаарлахаас өөр аргагүй болж байгаа тухай “SCMP” сонин бичсэн байна. Бүр тодруулбал жижиг дунд компаниуд үйлдвэрлэсэн бараагаа ачуулж чадахгүй, хэрэглэгчид ачуулсан бараагаа авч чадахгүй байдал үүссэнээс Хятадын компаниуд агуулах сав нь дүүрсэн гэдэг шалтгаанаар шинээр захиалга авахаас татгалзахаас өөр аргагүй байдалд орсон юм байна. Агаар, далай тэнгис, хуурай зам гээд газар сайгүй үүссэн түгжрэлийн гол шалтгаан нь корона вирусийн эсрэг хатуу хөл хорио. Хатуу хөл хорионы улмаас бараагаа авч чадахгүй захиалагчид Хятадын үйлдвэрүүдэд төлөх ёстой төлбөрөө цагт нь төлөлгүй хойшлуулж, мөнгөгүй болсон компаниуд нь дампуурахгүйн тулд шинэ захиалга авахаас татгалзах ёстой болсон.
SCMP” сонинд ярилцлага өгсөн Гуанжоу да хувас үйлдвэр ба бөөний дэлгүүрийн эүзэн Бэтти Чен гэгч нь “Би арав гаруй жил худас экспорт эрхлэхдээ хэзээ ч энэ жилийнх шиг байдалд орж байсангүй” гэжээ. Цар тахлаас өмнө Чен нь гүйцэтгэсэн захиалгынхаа тооцоог 3 сарын дотор авдаг байсан бол одоо хугацаа нь хамгийн багадаа 4 сар болж сунасан байна. Хятадын эрх баригчид цар тахлыг тархалтыг таслан зогсоохын тулд тун хатуу ширүүн арга хэмжээ авч байгаа юм. Жишээлэхэд, Хятадын Нинбо-Чжоушан боомтын ганцхан ажилтнаас “COVID-19” илэрснээс болж нэг терминалын ажиллагааг бүхэлд нь зогсоосон. Гэтэл энэхүү Нинбо-Чжоушан боомт нь ачаа эргэлтээрээ дэлхийд гуравдугаарт ордог боомт. Мөн Шанхайн “Пудүн” олон улсын нисэх буудалд COVID-19 илэрсний дараа ачаа тээврийн ажиллагааг хязгаарлаж байсан гэх мэт жишээ олон.
Сэтгэгдэл (0)
Сэтгэгдэл бичигдээгүй байна