2021/10/27
USD 2,811

Японд 65-аас дээш насны хүмүүсийн тоо 36,4 саяд хүрчээ

М.Төгөлдөр
2021/09/20

Япон жил ирэх тусам хөгширсөөр байна. Энэ удаад жил бүрийн энэ өдөр Японд тэмдэглэдэг Өндөр настныг хүндлэх өдрийг тохиолдуулан Японы яамнаас өндөр настнуудын талаар статистик мэдээг олны хүртээл болгожээ. Энэ мэдээгээр Японд 65-аас дээш настай хүмүүсийн тоо анх удаагаа 36,4 саяд хүрсэн нь нийт хүн амын 29,1 хувьтай хүрсэн тоо юм. Ингэснээрээ Япон нь өндөр настнуудынхаа тоогоор болон хүн амын дунд өндөр настнуудын эзэлж байгаа хувиар дэлхийд тэргүүлэх болсон байна. Зөвхөн сүүлийн 1 жилийн дотор гэхэд л Японы өндөрт настнуудын тоо 220 мянгаар нэмэгджээ.

 Хүйсийн хувьд Японы эрэгтэйчүүдийн 26 хувь нь өндөр настан бол эмэгтэйчүүдийн 32 хувь нь өндөр настан. Ийнхүү өндөр настнуудын тоо нь өсөн нэмэгдэхийг дагаад ажил хийдэг тэтгэврийн насныхны тоо ч тууштай нэмэгдэж байгаа юм байна. Тодруулбал, сүүлийн 17 жилийн турш өндөр настнуудын тоо бүр өсөж байгаа ч ажил хийдэг тэтгэврийнхний тоо өссөөр энэ жил 9 саяыг давж гарчээ. Тэтгэврийн насны 9 сая хүн ажил хийсэн хэвээр байна гэдэг нь нийт тэтгэврийнхний 25,1 хувь нь ажилладаг гэсэн үг юм байна.

 

 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна