2022/01/19
USD 2,811

Ж.Отгонболд: Гурав дахь тун хийлгэснээр өмнөх хоёр тунгийн нөлөөлөл улам сайжирна

М.Төгөлдөр
2021/09/28

Иргэдийн дунд гурав дахь буюу нэмэлт тун хийлгэснээр халдвар аваад байна гэх ташаа мэдээлэл гарчээ. Улсын хэмжээнд гурав дахь тунд 288 мянган иргэн хамрагдсанаас 0.15 хувь нь буюу 380 хүн халдвар авсан байна. Мөн гурав дахь тунг хийлгэснээр өмнөх хоёр тунгийн нөлөөлөл сайжирч, халдвар авсан ч хүндрэхгүй. Энэ тухай болон дархлаажуулалтын явцын талаар Нийслэлийн Эрүүл мэндийн газрын орлогч дарга Ж.Отгонболд дараах хариултыг өгч байна.

-Коронавирусээс сэргийлэх гурав дахь тунд нийт хэчнээн иргэн хамрагдаад байна вэ?

- Нийслэлийн нийт хүн амын  74 хувь нь коронавирусээс сэргийлэх нэгдүгээр тунд, 73 хувь нь хоёр дахь тунд хамрагдсан бол вакцины гурав дахь тун буюу сэргээх тунд хүн амын 11 хувь нь хамрагдаад байна. Сэргээх тунгийн вакцинжуулалтыг наймдугаар сард АстраЗенека вакцинаар эхэлсэн бөгөөд эхэн үед эрүүл мэндийн байгууллагын ажилтан, эмч мэргэжилтнүүдийг хамруулж байсан бол есдүгээр сарын 11-нээс 18-аас дээш насны иргэдэд хийж эхэлсэн юм. Гурав дахь тунгийн дархлаажуулалтыг  эхлээд 20 хонож байгаа ч  иргэд эхний  хоёр вакцинд хамрагдсан шиг идэвхтэй биш байна. Гэвч сэргээх тун буюу гурав дахь тун хийлгэх нь коронавирусээс сэргийлэхэд нэн тустай гэдгийг онцолмоор байна.

Дэлхийн улс орнуудын туршлагаас харсан ч гурав дахь тунг чухалчилж байна. Азийн орнуудаас Камбож, Европын орнуудаас Франц, Герман зэрэг орон гурав дахь тунг есдүгээр сараас эхлэн хийж байна. Мөн ОХУ, Израйл, Турк зэрэг орнууд ард иргэддээ санал болгох хэмжээнд байгаа. Гурав дахь тун нь өмнө хийгдсэн хоёр тунгийн нөлөөгөөр биед бүрэлдсэн эсрэг биетийг сэргээх онцлогтой. Өөрөөр хэлбэл, гурав дахь тун хийлгэснээр өмнөх хоёр тунгийн нөлөөлөл улам сайжирна. Тиймээс иргэд та бүхнийг дархлаажуулалтад идэвхтэй хамрагдахыг уриалж байна.

-Хоёр удаагийн вакцин хийлгэсэн иргэд хэдий хэр хугацааны дараа гурав дахь тунд хамрагдах вэ. Халдвар аваад эдгэсэн иргэд хамрагдах ёстой юу. Энэ бүгдийг мэдэхгүйгээс иргэд хойрго хандаж байна уу?

-Вакцины хоёр дахь тунд хамрагдаад 90 хоног буюу гурван сар болсон иргэд сэргээх тун буюу гурав дахь тунд сайн дурын үндсэн дээр хамрагдана гэж Эрүүл мэндийн сайдын тушаалд тун тодорхой заасан байдаг. Харин коронавирусийн халдвар авч өвдөөд эдгэсэн иргэд хоёр сар буюу 60 хоногийн дараа сэргээх тун хийлгэх ёстой юм. Дархлаажуулалтын цэгүүд хэвийн ажиллаж байгаа.


Сэтгэгдэл (6)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.24.157
3 дахь тунгаа хийлгээд халдвар авчихлаа гэсэн хүмүүс зөндөө бна Энийг одоо юу гэж ойлгох юм бэЭмнэлэгт ч хэвтсэн хүн бна Ёстой туршилт гэдэг л энэ байх Эмнэлгүүд 7 хоног хэвтүүлээд 2 антибиоток хийгээд л гаыгүй бол шууд гаргаж бна Үлдсэн зовиур бол хамаагүй гараад эмчлүүл гэнэ Иймд хүмүүс маш их зовиуртай хэвээр гарч бна Энэ хүмүүс дахин эмчилгээ авах хэрэгтэй бна Энэ хүмүүсяах юм бэ Дүүргүүд ор байхгүй Хувийнхан 1 өдөр 60,000 аар хэвтүүлнэ гэнэ10 хоног нийт дүн 600,000 ямар хүн хэвтэх үү Баян хүн л хэвтэж чадна Ядуу хүн яахав Тэгэхээр уушигандаа үлдэц тэй гарч байна Үүнийгээ эмчлүүл гүйцэд гээд бна Бид одоо яах ёстой юм бэ
Хариулах
66.181.161.76
Вакцин хаана хийж бгаа вэ?
Хариулах
202.126.89.136
Худлаа ямарч нэмэргүй халдвар авч байна битгий туршилтын туулай болго
Хариулах
103.26.194.109
Ихэнх иргэд Хятадын синофармын вакцин хийлгэсэн. Үүний дараа ямар вакцин хийлгэх нь сайн, эсвэл муу гэдгийг баталгаажуулсан туршилт судалгаа, түүний дотор дэлхийд хүлээн зөвшөөрөгдсөн эрүүл мэндийн сэтгүүлд нийтлэгдсэн судалгааны дүгнэлт хаана байна? Энэ талаар иргэддээ эхлээд мэдээлэл өгөх хэрэгтэй байна
Хариулах
202.126.90.60
ДЭМБ -ээс3 дахь тун шаардлагагүй гээд байгаан биш үү
Хариулах
192.82.70.144
Гуравдахь тунгаа хийлгэсэн миний тань олон хүмүүс өвдлөө. Үүнийг юу гэж ойлгох вэ. Оросын эрдэмтний хэлсэнчлэн манайхан вакцин хадгалах горимоо бариагүйгээс чанар, үйлчилгээ нь алдсан юм тариад байгаа юм биш үүү???????
Хариулах