2022/06/26
USD 2,811

М.Лхагвагэрэл Монголын хүнд жингийн анхны дэлхийн медальтан боллоо

М.Төгөлдөр
2021/10/04

“Токио-2020” олимпын чөлөөт бөхийн 125 кг жинд 5 дугаар байрын шагналт, 23 хүртэлх насны ДАШТ-ний хүрэл медальт, залуучуудын болон 23 хүртэлх насны Азийн АШТ-ний мөнгөн медальт, Үндэсний шигшээ баг, “Даян” дэвжээ, “Жем Интернэшнл” компанийн тамирчин ОУХМ Мөнхтөрийн Лхагвагэрэл Ослогийн ДАШТ-ний хүрэл медальтан боллоо. Ийнхүү Монголын чөлөөт бөхийн баг тамирчид Дэлхийн аварга шалгаруулах тэмцээнд оролцож эхэлсэн цагаас хойш хамгийн хүнд жинд буюу 125кг-д хамгийн анхны медалийг М.Лхагвагэрэл эх орондоо авчирч байна.

Тэрбээр өчигдөр буюу ням гарагт Осло хотын “Жордал Амфи” ордонд болсон барилдаанд хүч үзэж Монголын чөлөөт бөхийн түүхэн дэх хамгийн хүнд жин /125 кг/-гийн дэлхийн медальт анхдагч бөхөөр тодорч, дэлхийн 3 аваргатай медалийн тавцанд зогслоо.

Өчигдөр тэрбээр 1/8 шигшээд дэлхийн гурван удаагийн аварга Гүржийн алдарт бөх Гено Петриашвилид оноогоор цэвэр ялагдсан ч дагах барилдаанд Австрийн Йоханнес Людуширыг 5:0-ээр, медальтай үлдэх эсэхээ шийдэх шийдвэрлэх барилдаанд энэ жилийн Азийн аварга, Казахстаны туршлагатай бөх Олег Болтиныг 5:3-аар яллаа.

Манай хүнд жингийн бөхчүүдээс насанд хүрэгчдийн ДАШТ-д ОУХМ Ж.Чулуунбат 2011 онд Бакуд, 2015 онд Лас-Вегаст, Н.Золбоо 2017 онд Парист хүрэл медалийн төлөө хүч үзэж хараахан медаль хүртэж чадаагүй байжээ.

Чөлөөт бөхийн дэлхийн аварга шалгаруулах тэмцээн Норвеги улсын Осло хотод болж байна. 

 

Эх сурвалж: Биеийн тамир спортын улсын хороо


Сэтгэгдэл (8)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.21.95
САЙН ХҮҮ БАЙНА
Хариулах
64.119.27.25
Битгий явдаг жорлон болоорой...
Хариулах
124.158.69.141
Bajar hurgej amjilt husej bna
Хариулах
192.82.72.121
Олимпоор дажгүй барилдсан. Ирээдүй байна лээ шүү, энэ залууд
Хариулах
202.126.89.196
үндэсний бөхийн хогнуудтай битгий холилдоорой новш болно шүү
Хариулах
192.82.76.35
сайн байна олимпид.бас сайн байсан бэлтгэл сургуулилтаа сайн хийж дэлхий ,олимпийн аварга болоорой. Нэг юм захихад.үндэсний бөх рүү.амжилт.гаргатлаа битгий ороорой эвдэрнэ шүү. За сайн сайхныг хүсье
Хариулах
202.126.88.177
Өмжилт манайхаан!!!! Хөр юм ыайсан бол яасан олон хэрүүлчингүүд орох байсан бол??? Ийм гэгээлэг мэдээн дээр л орж дэмжмээр!!!
Хариулах
103.111.68.3
Сайн хүү байна, сайн хичээж барилдаж дэлхийн аврага болоорой.
Хариулах