Сүүлийн өдрүүдэд шахмал түлшний хомсдол үүсч иргэд урт дараалалд зогсох болсон. Одоогийн байдлаар нийслэлийн гэр хороололд сайжруулсан шахмал түлшний 128 цэг ажиллаж байсан бол өнгөрсөн амралтын өдрүүдэд нэмэлтээр 153 цэг шинээр байгуулж, 281 цэгээр шахмал түлш худалдан борлуулж байна. Харин энэ долоо хоногтоо багтаан сайжруулсан шахмал түлшийг 450 цэгээр худалдан борлуулахаар болсон байна.
Тавантолгой түлш ХХК-ийн хувьд энэ жил 72 мянган тонн сайжруулсан шахмал түлшийг аюулгүйн нөөцөд нөөцөлжээ.
"Тавантолгой түлш" ХХК-ийн дөрвөн үйлдвэрийн 10 шугам тогтмол ажиллаж хоногт 1500-1700 тонн сайжруулсан шахмал үйлдвэрлэдэг аж.
Сэтгэгдэл (0)
Сэтгэгдэл бичигдээгүй байна