"Үндэсний ялгарал, хэв шинжийг агуулан дотооддоо үйлдвэрлэж, угсарсан технологийг хэрэглэгчдэд хүргэсэн "Эхлэл брэнд"-ийн "Hulan21plus" утасны урьдчилсан захиалгыг авч байна" гэх мэдээлэл энэ оны наймдугаар сараас эхлэн цахим сүлжээ, олон нийтийн сүлжээгээр тасралтгүй явсан. Гэтэл сүүлийн хэдэн өдрүүдэд "Эхлэл Брэнд" ХХК-ийн захирал Ч. Батзаяа "Hulan21plus" гар утасны сэлбэг эд ангиудыг гаалийн хүнд суртлаас болж хил дээр саатуулж чирэгдэл учруулж, үүнээс үүдэн үндэсний үйлдвэрлэгч компанийн хэвийн үйл ажиллагаа доголдож, захиалагчдын эрх ашиг хөндөгдөж байгаа талаар өөрийн цахим хуудаст нийтэлсэн юм. Энэ талаарх мэдээллийг зарим эх сурвалжаас тодруулахад: Уг компанийн монголд үйлдвэрлэж, угсарч буй "Hulan21plus" гар утас нь БНХАУ-д үйлдвэрлэгдэж, хилээр нэвтрүүлж гаалийн бүрдүүлэлт хийх үедээ гаалийн татвараас зайлсхийж, бүрэн үйлдвэрлэгдсэн гар утсыг сэлбэг хэрэгсэл гэж гаальд худал мэдүүлсэн зөрчилд холбогдсон болохыг баттай эх сурвалжаас мэдээллээ. Энэ талаар бид цааш нь сурвалжлах болно.
Сэтгэгдэл (0)
Сэтгэгдэл бичигдээгүй байна