Иргэд шатахуунд дахин дугаарлах болсон шалтгааныг бид Уул уурхайн сайдаас тодруулж мөн нөхцөл байдал газар дээрээ ямар байгааг шууд дамжуулан хүргэсэн. Манай сэтгүүлч Н.Өнөрцэцэг Г.Ёндон сайдад "Сод монгол групп" ХХК-ийн захиралын тушаалыг үзүүлэн тайлбар авсан. Уг тушаалд АИ-92 шатахууны нөөц хангалтгүй болж, багасаж байгаа тул хязгаарлалттай олгохыг үүрэг болгосон байдаг. Тэгвэл уг тушаалтай холбоотойгоор "Сод монгол групп" ХХК өөрийн албан ёсны цахим хаягаар дамжуулан мэдэгдэл гаргалаа. Мэдэгдэлд "2021 оны 10-р сарын 5-ны өдрийн орой нийгмийн сүлжээгээр тус компанийг бензиний хязгаарлалт хийж эхэлж байгаа тухай худал мэдээлэл явж, үйлчлүүлэгч олныг төөрөгдүүлэн, ШТС-ууд дээр шаардлагагүй дараалал үүсгээд байна.
Тус компанид бензин шатахууны нөөц хэвийн хэмжээнд, хүрэлцээтэй байгаа бөгөөд бензин шатахууны түгээлтэндээ ямар нэгэн хэмжээ тогтоогоогүй, хэвийн горимоор түгээн борлуулж байгаа болохыг үйлчлүүлэгч, харилцагч та бүхэндээ үүгээр мэдэгдэж байна" хэмээсэн байна.
Сэтгэгдэл (0)
Сэтгэгдэл бичигдээгүй байна