Монголын зохиолчдын эвлэлийн шагналт яруу найрагч Баасанжавын Оролзод агсны нэрэмжит “Тогоруут нуурын айзам” анхны номын уралдаан зарлагдлаа. Төв аймгийн Өндөрширээт сумын уугуул Баасанжавын Оролзод агсан “Шүлэгтэй навчис”, “Ширээтийн суурин” яруу найргийн ном хэвлүүлсэн бөгөөд олон түмэнд хүрсэн Тогоруутай нуур, Чинийхээ дэргэдээс зэрэг сэтгэлд хоногшсон олон сайхан дуунуудын шүлгийг зохион авьяаслаг яруу найрагч байсан юм.
Уралдааны ирүүлэх бүтээл нь өмнө нь хэвлэгдэж байгаагүй шинэ бүтээл байх шаардлагыг тавьж байгаа юм. Мөн тухайн уран бүтээлчийн анхны ном байх шаардлагатай юм. Уралдаанд 18-30 насны залуус оролцох бөгөөд эх бүтээлүүдийг аравдугаар сарын 06-аас арваннэгдүгээр сарын 26-ны өдөр хүртэл хүлээн авна.
Сэтгэгдэл (0)
Сэтгэгдэл бичигдээгүй байна