Нийслэлийн Засаг даргын хэвлэлийн төлөөлөгч Н.Сугар:Нийслэлийн иргэдийн 70 гаруй хувь нь коронавирусийн эсрэг вакцины хоёр тунг хийлгэсэн. Харин гурав дахь тунг 10 гаруй хувь нь хийлгээд байна. Вакцины гурав дахь тун хийлгэсэн иргэдийн эзлэх хувь ийм бага байгаагийн шалтгаан нь Гуравдугаар тун тариулсан иргэд халдвар авч байна гэх олон нийтийн сүлжээнд тархсан ташаа мэдээлэлтэй холбоотой. Тухайн мэдээлэл нь ор үндэсгүй. Өнөөдрийн байдлаар коронавирусийн эсрэг вакцины гурав дахь тунг тариулсан иргэдийн нэг орчим хувь нь л халдвар авсан. Вакцин тариулснаар халдвар огт авахгүй гэсэн үг биш ч гэлээ амь насыг эрсдэлээс хамгаалах ач холбогдолтой. Тиймээс вакциндаа идэвхтэй хамрагдахыг уриалж байна.
Сэтгэгдэл (0)
Сэтгэгдэл бичигдээгүй байна