2021/11/27
USD 2,811

АНУ-ын Засгийн газраас Ковид-19 халдварын эсрэг Файзер вакцин хүлээлгэн өглөө

М.Төгөлдөр
2021/10/07

АНУ-ын Засгийн газраас КОВИД-19 халдварын эсрэг 899,730 тун Пфайзер вакцин хүлээлгэн өгөх арга хэмжээг өнөөдөр Эрүүл мэндийн яам дээр зохион байгууллаа. Тус улсын Засгийн газраас Монгол Улсын Засгийн газарт олгож буй тусламжийн хүрээнд 899,730 тун Пфайзер/БиоНТех BNT162  вакциныг Олон улсын вакцин хангамжийн КОВАКС хөтөлбөрөөр дамжуулан  2021 оны 10 дугаар сарын 6-ны өдөр хүлээн авсанаар нийт 1,100,000 тун Пфайзер вакциныг АНУ-ын Засгийн газраас хүлээн авлаа.

 

 Дээрх арга хэмжээнд Эрүүл мэндийн сайд С.Энхболд, АНУ-аас Монгол Улсад суугаа Онц бөгөөд бүрэн эрхт Элчин сайд Майкл Клечески болон ЭМЯ, АНУ-ын Элчин сайдын яамны төлөөлөл оролцов. Энэхүү тусламжийг хүлээн авах үеэрээ Эрүүл мэндийн сайд С.Энхболд КОВИД-19 халдварын цар тахлын эхэн үеэс АНУ-ын Засгийн газар Монгол Улсад КОВИД-19 халдвартай тэмцэх, сэргийлэх, эрүүл мэндийн байгууллагын хариу арга хэмжээг дээшлүүлэхэд үнэтэй хувь нэмэр оруулсныг тэмдэглэж, талархал илэрхийлэв.

Тэрээр КОВИД-19 халдварын эсрэг 899,730 тун Пфайзер вакцин хандивлаж байгаа нь цаг үеэ олсон нэн чухал арга хэмжээ болж байгаа бөгөөд эдгээр нь хүн амыг вакцинжуулах ажлыг эрчимжүүлэн нийт хүн амыг КОВИД-19-ын халдвараас хамгаалахад үнэтэй хувь нэмэр оруулахыг онцлон тэмдэглэлээ.
 

Элчин сайд Майкл Клечески хэлсэн үгэндээ КОВИД-19 халдварын цар тахлын хүнд сорилтыг даван туулахад улс орнуудын нягт хамтын ажиллагаа, харилцан ойлголцол, дэмжлэг туслалцаа нэн чухал болохыг онцлоод АНУ-ын Засгийн газраас гуравдагч хөрш, дотны анд нөхрийн хувьд цаашид ч Монгол Улсын КОВИД-19 халдварын цар тахалтай тэмцэх үйл ажиллагаа, хүчин чармайлтыг үргэлжлүүлэн дэмжиж ажиллахаа илэрхийллээ.
 


Сэтгэгдэл (8)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.87.165
хамрагдах хэрэгтэй дээ өөрт болон өрөөлд хэрэгтэй шүү
Хариулах
124.158.66.99
19 tsagiin omno MGL d shono -80 hem baisan ym bh daa? Hadgalaltiin gorim zorchigdson vaccinaar yaj darhlaa togtooh gej bgaa ym boloo Ih l ergel zeetei ymaa
Хариулах
45.83.27.146
Хугацаа нь дуусахаас өмнө яаж 800 мянган хүнд хийж амжих вэ ? Хамрагдах хурд ийм сул байхад ?
Хариулах
45.83.27.146
Вакцинд хамрагдах эрч суларсан шалтгаан: 1. Оюу-эрдэнэ вакцин үнэтэй болгоно гэж олон нийтэд ярьсан. 2. Хэт ойрхон зайнд дараагийн тун хийлгэх шаардлагатай болсон нь вакцинд итгэх итгэл алдуулсан. 3. Чанаргүй вакцин анхнаасаа иргэдийн үгнээс зөрж хүчээр хийснээс вакцинд итгэх итгэл алдарсан.
Хариулах
103.212.118.206
ФАЙЗЕР ВАКЦИНЫ ХУГАЦАА ХЭЗЭЭ ДУУСАХ ВЭ ???
Хариулах
43.242.243.11
10 jil ih deed surguuli tsetserleg kollejee karentilah hurtel 3 dahi tungaa hiilgej bolohgui shuu ard tumen
Хариулах
66.181.161.110
Өнөөх бидний хайрт орос ах нар маань яагаад бидэндээ вакцин өгөхгүй байна??
Хариулах
59.153.114.163
Спутник хэзээ ирэх вээ ???
Хариулах