Цогтцэций-Чойр чиглэлийн улсын чанартай авто замаар нүүрс тээвэрлэлт явуулахгүй гэсэн Зам тээврийн сайд Л.Халтар сайдын шийдвэрийг Монгол тээвэрчид, тээвэрчдийн эрхийг хамгаалах төрийн бус байгууллагууд эсэргүүцлээ. Тус чиглэлийн авто энэ сарын 20-ноос эхлэн зогсоох юм байна.
Цогтцэций-Чойр чиглэлийн шороон замаар Монгол компани, Монгол тээвэрчид нүүрсний экспортын тээвэрлэлт хийхийн тулд өөрсдөө мөнгө гаргаж замаа засаж тээвэрлэлтээ хийж байсан ч ЗТХ-ийн сайд Л.Халтар сайд замыг нь хаасанд Монгол тээвэрчид бухимдаж түүнийг огцрохыг шаардлаа.
Тэд аравдугаар сарын 20-ны өдрөөс Цогтцэций-Чойр чиглэлийн замыг хаах шийдвэрээ өнөөдрийн дотор цуцал, хэрэв цуцлахгүй бол эксортын бүх чиглэлийн нүүрс тээвэрлэлтийг шийдвэр гаргах хүртэл зогсоож, тэмцлийн дараагийн хэлбэрт шилжихээ мэдэгдэж, УИХ дахь МАН-ын бүлгийн гишүүдэд шаардлага хүргүүллээ.
Уг шаардлагыг УИХ дахь МАН-ын бүлгийн ажлын албаны дарга С.Далхаасүрэн гарч ирж авсан бөгөөд хариуг удахгүй өгнө гэдгийг хэллээ.
Дээрх чиглэлийн нүүрс тээврийн зам нь өдөрт 2 сая ам.долларын орлогыг улсын төсөвт төвлөрүүлдэг байна.
Сэтгэгдэл (0)
Сэтгэгдэл бичигдээгүй байна