Нийслэлийн Налайх дүүргийн зургаадугаар хороонд нүхэнд хүний цогцос байна гаргахад тусламж хэрэгтэй байна гэсэн дуудлага тухайн дүүргийн цагдаагийн хэлтэст ирсэн байна.
Тодруулбал тус дүүргийн Эрэн хайх, аврах бүлгийн алба хаагчдыг очиход дөрвөн метрийн гүнтэй нүхэнд байсан цогцсыг гарган тус дүүргийн цагдаагийн хэлтэст хүлээлгэн өгсөн байна.
Уг цогцос нь Тэрэлжид бясалгалын газраас 2020 оны долдугаар сард алга болсон эмэгтэйгийнх гэх мэдээлэл зарим хэвлэл мэдээллийн хэрэгслээр гараад байна.
Энэ талаар Цагдаагийн байгууллагаас тодруулахад "Одоогоор шалгалтын ажиллагаа явуулж байгаа тул дэлгэрэнгүй мэдээлэл өгөх боломжгүй. Нарийн шинжилгээний дүн гарч бүрэн нотлогдоно" гэлээ.
Өөрөөр хэлбэл, нүхэн жорлонгоос олдсон цогцос жилийн өмнө бясалгал хийхээр алга болсон эмэгтэй мөн эсэх нь эцсийн байдлаар тогтоогдоогүй байна.
Сэтгэгдэл (0)
Сэтгэгдэл бичигдээгүй байна