Самар түүх, бэлтгэх зөвшөөрлийг цуцалж магадгүй байна

Ш.АДЪЯАМАА
2021/10/12

Засгийн газрын хуралдаанаар хуш модны самар түүж, бэлтгэхийг хориглох тухай асуудлыг хэлэлцэхээр болжээ. Учир нь энэ жил самрын ургац бага, хушин ойн 40 хувь доройтолд орсон  зэрэг асуудал анхаарал татаж байна. Үүний дээр Монгол Улсын Ерөнхийлөгч 2021 оны 10 дугаар сарын 04-ний өдөр “Тэрбум мод” үндэсний хөдөлгөөнийг санаачлан өрнүүлэх талаар “Засгийн газарт чиглэл өгөх тухай” 58 тоот зарлиг гаргасан. Эдгээр нөхцөл байдлыг үндэслэн байгаль орчин, улс орныхоо ногоон тусгаар тогтнолыг хамгаалах, ялангуяа говийн бүст цөлжилтийг сааруулах, гадаргын усыг хуримтлуулах, усны эко системийг хамгаалах, одоо байгаа ойн сан бүхий газар нутгийг хамгаалах, ой модыг нөхөн сэргээхэд хүний хүчин зүйлээс шалтгаалсан ой мод гэмтээх, хугалах, гал түймэр тавих зэрэг сөрөг нөлөөллийг бууруулах зорилгоор хуш модны самар түүх, бэлтгэх үйл ажиллагааг хориглохоор ярилцаж байгаа бөгөөд энэ асуудлыг маргаашийн/2021.10.13/ Засгийн газрын хуралдаанаар хэлэлцэх юм байна. Байгаль орчны сайд Н.Уртнасан, УИХ-ын гишүүн Б.Саранчимэг нар ЗГ-ын хуралдаанаар уг асуудлыг оруулж байгаа гэх мэдээлэл байна.

     Өчигдөр буюу 2021 оны 10 дугаар сарын 11-ний өдөр УИХ-ын гишүүн Б.Саранчимэг ойн санг хамгаалах зорилгоор хуш модны самар түүж, бэлтгэхийг хориглох тухай асуудлаар Ерөнхий сайд Л.Оюун-Эрдэнэд албан бичиг хүргүүлсэн юм. Тэрээр “Монгол Улс цаг агаарын хувьд эрс тэс, хуурай учир дэлхийн дулаарал, цаг уурын өөрчлөлтөд хамгийн хүчтэй өртөж байгаа орны нэг.  Манай улсын нийт газар нутгийн 9.1 хувь буюу 14255.9 мянган га-г ойн сан, 7.9 хувийг ой мод эзэлдэг гэж бүртгэгдсэн хэдий ч ойн түймэр, хортон шавж болон хүний хүчин зүйлээс шалтгаалан жил бүр энэ тоо буурч байна. 2021 оны мэдээллээр нийт нутаг дэвсгэрийн 76 хувь нь цөлжилтөд өртсөнийг холбогдох судалгааны байгууллагуудын тайланд дурдсан байна. Цөлжилтийн сөрөг үр дагавар байгаль орчноос эхлээд ховор, нэн ховор зэрлэг ан амьтан болон хүн ам, мал аж ахуй, хөдөө аж ахуй, дэд бүтцийн салбаруудад ч сөргөөр нөлөөлдөг” болохыг албан бичигтээ онцолжээ. Мөн байгаль орчныг хамгаалах чиглэлээр үйл ажиллагаа явуулдаг “Тэнгэрлэг Монголын газар шороо” төрийн бус байгууллага болон зарим иргэд БОАЖЯ-наас самар түүх зөвшөөрөл олгосон асуудлыг эсэргүүцэж байгаагаа илэрхийлээд байсан юм. Энэ дагуу ч салбарын сайд гаргасан шийдвэрээ эргэн харахаар болсон бололтой.

     Нэмж мэдээллэхэд энэ жил самрын нөөц маш бага байхад “Ойн судалгаа хөгжлийн төв”-өөс нөөц ихтэй мэтээр худал мэдээлэл гаргасны улмаас самар түүх зөвшөөрлийг 4 аймаг, 9 сумдад олгосон гэж “Тэнгэрлэг Монголын газар шороо” төрийн бус байгууллага мэдээллээд байгаа юм.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 4 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ 6 цагийн өмнө
Бага тойруугийн 30 гаруй байршилд өдрийн цагаар зогсоол хамгийн эрэлттэй байна 6 цагийн өмнө
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна 6 цагийн өмнө
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана 7 цагийн өмнө
Дөрөвдүгээр сард зохион байгуулагдах хүчит бөхийн барилдааны хуваарь 7 цагийн өмнө
Хүүхдийн паркт амьтны хүрээлэн ажиллаж байна 7 цагийн өмнө
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно 8 цагийн өмнө
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих 10 цагийн өмнө
Өнөөдөр цахилгааны хязгаарлалт хийх байршлууд 12 цагийн өмнө
Цасан шуурганаар сураггүй болсон хоёр иргэнийг хайж байна 13 цагийн өмнө
Орон даяар 16:00 цагт гамшгийн аюулын зарлан мэдээллийн дохио дуугарна 13 цагийн өмнө
ЦАГ АГААР: Зүүн аймгуудын нутгийн зүүн хэсгээр цас орж, цасан шуурга шуурна 13 цагийн өмнө
Танилц: ЗГ-ын хуралдаанаар гаргасан шийдвэрүүд Өчигдөр
Даланзадгад-Мандалговь, Цогтцэций-Мандалговь чиглэлд гарах хөдөлгөөнийг​ хязгаарлалаа Өчигдөр
"Утсаар ярьчихаад ирье" гээд гарсан 33 настай залуу алга болоод таван сар болж байна Өчигдөр
С.Чинзориг: "Д" вирустэй иргэдийн интерпирон эмийг оруулж ирэхээр хэлэлцээр хийсэн Өчигдөр
Н.Учрал: И-Монгол систем дээр эмийн жор бичих боломжтой боллоо Өчигдөр
ОБЕГ: Улаанбаатарын 976 барилгын 206 нь газар хөдлөлтөд тэсвэртэй Өчигдөр
Дундговьд 3.8 магнитудын хүчтэй газар хөдөллөө Өчигдөр