Цогтцэций-Чойр чиглэлийн улсын чанартай авто замаар нүүрс тээвэрлэлт явуулахгүй гэсэн Зам тээврийн сайд Л.Халтар сайдын шийдвэрийг Монгол тээвэрчид, тээвэрчдийн эрхийг хамгаалах төрийн бус байгууллагуудын эсэргүүцэл гурав дахь өдрөө үргэлжилж байна.
Тус чиглэлийн нүүрс тээврийн замыг энэ сарын 20-ноос эхлэн зогсоох юм.
Цогтцэций-Чойр чиглэлийн шороон замаар Монгол компани, Монгол тээвэрчид нүүрсний экспортын тээвэрлэлт хийхийн тулд өөрсдөө мөнгө гаргаж замаа засаж тээвэрлэлтээ хийж байсан ч ЗТХ-ийн сайд Л.Халтар сайд замыг нь хаасанд Монгол тээвэрчид бухимдаж түүнийг огцрохыг шаардаад байгаа юм. Учир нь Цогтцэций-Чойр чиглэлийн нүүрс тээвэрлэлтийн 500 гаруй жолооч Л.Халтар сайдын шийдвэрийн улмаас сул зогсолтод оржээ.
Өнөө өглөө Тээвэрчдийн зөвлөлийн тэргүүн Н.Ялагдашгүй болон тээврийн жолооч нар Сүхбаатарын талбайд тээврийн автомашинтайгаа орж ирж, нөхцөл байдлын талаар мэдээлэл хийснийг нь цагдаагийн алба хаагчид хүч хэрэглэн автомашиных нь хамтаар талбайгаас гаргажээ. Улмаар Тээвэрчдийн зөвлөлийн тэргүүн Н.Ялагдашгүйг цагдаагийнхан баривчлан авч явсан байна.
Сэтгэгдэл (0)
Сэтгэгдэл бичигдээгүй байна