Цогтцэций-Чойр чиглэлийн улсын чанартай авто замаар нүүрс тээвэрлэлт явуулахгүй гэсэн Зам тээврийн сайд Л.Халтар сайдын шийдвэрийг Монгол тээвэрчид, тээвэрчдийн эрхийг хамгаалах төрийн бус байгууллагуудын эсэргүүцэл гурав дахь өдрөө үргэлжилж байна.
Тус чиглэлийн нүүрс тээврийн замыг энэ сарын 20-ноос эхлэн зогсоох юм.
Цогтцэций-Чойр чиглэлийн шороон замаар Монгол компани, Монгол тээвэрчид нүүрсний экспортын тээвэрлэлт хийхийн тулд өөрсдөө мөнгө гаргаж замаа засаж тээвэрлэлтээ хийж байсан ч ЗТХ-ийн сайд Л.Халтар сайд замыг нь хаасанд Монгол тээвэрчид бухимдаж түүнийг дээрх шийдвэрээ эргэн харахыг шаардаж байгаа юм. Жолооч нар үндсэн гурван шаардлагыг тавьж буй. Тодруулбал,
Өнөө өглөөнөөс эхлэн жолооч нар аргагүйн эрхэнд Сүхбаатарын талбайд машинтайгаа ирж, үзэл бодлоо илэрхийлсэн. Энэхүү асуудалд ЗТХ-ийн сайд Л.Халтар тайлбар өгөх үеэрээ тэрбээр "Бид "Баянзам" компанийг гэрээгээ дүгнээд ирээрэй гэж явуулсан" гэсэн тайлбарыг өгсөн нь худал болох нь батлагдав.
Учир нь "Баянзам" тээвэрчдийн холбооноос энэ оны наймдугаар сарын 20-нд Л.Халтар сайдад "Эко жишиг тээвэр" төслийнхөө тайланг хүргүүлж байжээ. Харамсалтай нь Л.Халтар сайд, ЗТЯамныхан өөрсдөө тайлантай танилцаагүй бололтой. Түүнчлэн Л.Халтар сайдын ярьсан шүүхийн шийдвэрт Цогтцэций-Чойр чиглэлийн замын эзэмшигчийн маргааныг л шийдсэн бөгөөд Цогтцэций-Чойр чиглэлийн замаар нүүрс тээвэрлэлт явуулахыг хориглосон шийдвэр биш байжээ. Өөрөөр хэлбэл, ЗТХ-ийн сайд Л.Халтар ирсэн бичиг баримттай танилцдаггүй, ажлаа хийдэггүйгээс тээвэрчдийг өнөөдөр ийн бухимдуулжээ.
Сэтгэгдэл (0)
Сэтгэгдэл бичигдээгүй байна