Засгийн газрын өнөөдрийн хуралдаанаар “Тавантолгой түлш” ХХК-ийн эзэмшлийн асуудлыг шийдвэрлэжээ. Тодруулбал, 2022 оны өвлөөс "Тавантолгой түлш" ХХК бизнесийн зарчмаар ажиллана.
Энэ тухай "Эрдэнэс Тавантолгой” ХК-ийн Гүйцэтгэх захирал Б.Ганхуяг “Эрдэнэс Тавантолгой ХК өнөөдрийн байдлаар 372 тэрбум төгрөгийн санхүүжилтээр "Тавантолгой түлш" ХХК-ийг санхүүжүүлж ирсэн. Цаашид "Тавантолгой түлш" компанийн 51 хувийг "Эрдэнэс Тавантолгой" ХК эзэмшихээр боллоо. Харин 39 хувийг нь Эрчим хүчний яам, 10 хувийг нь Төрийн өмчийн бодлого, зохицуулалтын газар хариуцана. Өнөөдрийг хүртэл "Тавантолгой түлш" ХХК нийгмийн хариуцлагын хүрээнд агаар, орчны бохирдлын бууруулах зэрэг чиглэлд илүүтэй ажилладаг байсан бол "Эрдэнэс Тавантолгой" ХК-д шилжсэнээр бизнесийн зарчим руу орох хандлагыг илүү барьж ажиллана.
Өөрөөр хэлбэл, жилээс жилд зөвхөн татаасаар буюу санхүүжилтээр ажилладаг байсан бол одоо үйл ажиллагаагаа бизнесийн үйл ажиллагаа руу чиглүүлэх, орлого олох бусад түвшний хэлбэрүүдийг бий болгоно. Мөн бусад орон нутагт шаарлагатай төсвийг санхүүгийн хувьд үр ашигтай нийлүүлэх, цаашлаад дэлхийн түлш үйлдвэрлэх ямар боломж байна гэдэг хандлагын хүрээнд "Эрдэнэс Тавантолгой" ХК бизнесийн зарчмаар нь ажиллуулах хүрээнд авсан" гэлээ.
-2°C
Сэтгэгдэл (3)