Хятадад юмны өмнө нэмэгдсэн нэмэгдээгүй талаар янз бүрийн мэдээ тарж учир нь сайн олдохгүй байгаа. Тэгвэл Британийн “ВВС” сувгийнхан Хятадад юмны өмнө эрс нэмэгдэж байгааг нотлох гарцаагүй шинж тэмдэг гэхээр зүйлийг олжээ. Тэр нь шар буурцгийн цуу.
“ВВС” нь Хятадад хамгийн их зарагддаг шар буурцгийн цууны үнэ өсөж байгааг олж мэдсэн байна. Улмаар шар буурцгийн цууны өсөлт нь Хятадад инфляц газар авч байгааг нотлох эцсийн шинж тэмдэг гэж мэдэгджээ.
Хятадад хамгийн их зарагддаг шар буурцгийн цууны “Foshan Haitian” брэндийг эзэмшигч “Foshan Haitian Flavoring and Food Co” компани нь бүтээгдэхүүнийхээ үнийг энэ сарын сүүлээс даруй 7 хувиар нэмэгдүүлж байгаагаа мэдэгдсэн байна. Шанхайд бүртгэлтэй энэ компани нь түүхий эд, тээвэр ба эрчим хүчний зардал ихээхэн нэмэгдсэн учраас бүх төрлийн бүтээгдэхүүнийхээ үнийг өсгөхөөр шийдсэн гэсэн тайлбар өгсөн байна.
Гэтэл дэлхий цар тахлын зогсолтоос гарахын гэрээ дэлхий даяар түүхий эдийн үнэ өсөж байна.
Ингээд Хятадад хамгийн алдартай брэндийн шар буурцгийн цуу, хясааны сүмс гэх мэт бус сүм, цуунуудын үнэ аравдугаар сарын 25-аас эхлэн нэмэгдэхээр болсон гэдгийг тус компани Шанхайн хөрөнгийн бирж дээр мэдэгдсэн байна.
Тус компани зардал нь нэмэгдэж байгаа үед бизнесээ илүү тогтвортой болгохын тулд нэмсэн гэсэн тайлбар өгч.
“Foshan Haitian Flavoring and Food Co” нь шар буурцгийн цуунаас гадна тахианы шөл, цөцгийн тос, натрийн глутамат зэрэг бүтээгдэхүүн үйлдвэрлэн борлуулдаг.
Сүүлийн хэдэн долоо хоногт Хятадад цахилгаан эрчим хүчний үнэ огцом өссөн, Хятадын зарим нутагт цахилгаан эрчим хүч хэмнэх үүднээс хязгаарлалт хийсэн.
Гэтэл уул уурхайн томоохон бүс нутаг болох Шаньси мужид болсон үер нь нүүрсний хомсдолыг улам нэмэгдүүлснээр цахилгаан эрчим хүчний дутагдлыг бүр лавшруулсан байна.
Ийм нөхцөлд цахилгаан станцууд ямар ч үнээр хамаагүй нүүрс худалдан авах гэж хүчтэй өрсөлдөх болсон тул Хятадын цахилгаан станцуудад ашигладаг эрчим хүчний нүүрсний үнэ сүүлийн гурван өдөр дараалан түүхэндээ байгаагийн өндөр үнээр зарагдаж байна.
-6°C
Сэтгэгдэл (1)