УИХ дахь АН-ын бүлгийн дарга Д.Ганбат мэдээлэл хийж, АН-ын гишүүнчлэлээс УИХ-ын гишүүн Н.Ганибал, Ж.Батсуурь нарыг дөрвөн жилийн хугацаатайгаар намаас хассан тухай Үндсэн дүрмийн хорооны шийдвэрийг танилцууллаа.
Энэ тухай Д.Ганбат: "Намын зүгээс УИХ дахь АН-ын бүлгийн дарга надад чиглэл өгсөн. АН-ын Үндсэн дүрмийн хорооны аравдугаар сарын 15-ны өдрийн тогтоолоор Н.Ганибал, Ж.Батсуурь нар нь намын эсрэг үйл ажиллагаа явуулсан тул намын гишүүнээс дөрвөн жилийн хугацаатай хасах сахилгын шийтгэл оногдуулсан байна" гэв.
Ингэснээр АН-ын бүлэг найман гишүүнтэй боллоо. Өнгөрсөн долоо хоногт мөн УИХ-ын гишүүн Ц.Тувааныг АН-ын гишүүнчлэлээс хассан.Дээрх гурван гишүүн сахилгын шийтгэлээр намаасаа хасагдаж байгаа аж.
Сэтгэгдэл (0)
Сэтгэгдэл бичигдээгүй байна