АН-ын гишүүнчлэлээс хасагдсан гэх Ж.Батсуурь тайлбар, мэдээлэл өглөө.
Тэрбээр "Намайг намаас хассан гэж хэдхэн минутын өмнө мэдээлэл хийлээ. Нэгт ардчилал бол оролцооны хэлбэр. Хоёрт, олонхийн засаглал байх ёстой. 1992 онд Ардчилсан Үндсэн хууль батлагдснаас хойш Монгол Улсад найман удаа УИХ-ын сонгууль боллоо. Миний хувьд 1992 онд оюутан байсан, 1996 оны сонгуулиас хойш буюу долоон удаагийн сонгуульд орж, ялалт байгуулж, АН-ын нэр хүндийг өндөрт өргөж ирсэн. Мөн АН-ын бүлэг дахь гишүүд дунд аймгаасаа хоёр тойрогтоо ялалт байгуулж, иргэдийнхээ итгэлийг хүлээсэн хүмүүсийг бүлгийн болон АН-ын шийдвэрийг зөрчөөгүй байхад хөөж, туух нь АН-ын цөөн бүлэг хаашаа явж байна гэдэгт өөрсдөд нь хариулт өгч байна.
Дээрх шийдвэрийг гаргаж байгаа нь ирэх сарын 5-нд болох АН-ын эв нэгдлийн Их хурлаас айсан гэж харж байна. Эрх баригчдын зарим хэсэг буюу УИХ-ын дарга Г.Занданшатар толгойлогчтой Д.Ганбат эвсэн нэгдсэн. Шалтгаан нь Л.Оюун-Эрдэнийг огцруулах гарын үсэгт бүлгийн гишүүд зурцгаасан. Бидний гарын үсгийг наймаалцах гээд байгаа юм. С.Эрдэнэ, Д.Ганбат нарт хөөгддөг ч юм биш. С.Эрдэнэд хөөгдөнө гэж ч юу байхав. Бүх юмны шүүлтүүр цаг хугацаа. Би орон нутагтаа олон ажилласан хүний хувьд хэн нэгний цүнх баригч биш бас бүлэглэлд орж байгаагүй" гэлээ.
Сэтгэгдэл (0)
Сэтгэгдэл бичигдээгүй байна