Ц.Нямдорж: Оюутолгойн хэлэлцээг хийж байгаа Х.Нямбаатарын ажилд хэн нэгэн хөндлөнгөөс оролцох эрхгүй

УИХ дахь МАН-ын бүлэг өчигдөр хаалттай хуралдаж, Оюутолгойн хэлэлцээг хийж буй ажлын хэсгийн тайланг сонсч, гишүүд байр сууриа илэрхийлжээ. 

Энэ талаар ЗГХЭГ-ын дарга Ц.Нямдоржоос тодруулахад тэрбээр "Рио-Тинтогоос Ерөнхий сайдын нэр дээр бичиг ирсэн. Тэр бичгийн хүрээнд судлах ажлууд хийгдэж байна. Бүлгийн хуралдаан дээр танилцуулга хийгдсэн. Нууц хуралдаан байсан учраас мэдээллийг та нарт хэлэх боломжгүй. Ямар ч л байсан хэлэлцээ хийгдэж байна. Хэлэлцэн тохирч байж эцсийн шийдвэр гарна, түүнээс биш наана нь яригдсан юм болгон өөрчлөгдөнө. Ер нь бол хуулийн болон санхүүгийн үйчилгээний компаниуд хөлслөн авч цаашаа яриа хэлэлцээ хийх төлөвтэй байгаа. 34 хувийн өр одоо энэ хэлэлцээний түвшинд л яригдаж байна. Хөндөгдөж байгаа ч яаж шийдэгдэх нь одоогоор тодорхойгүй.Хэлэлцээг нэг хүн хариуцаж, нэг хаалгаар асуудлыг ярина гэсэн улс төрийн шийдвэр хоёр жилийн өмнө гарсан.  Оюутолгойн хэлэлцээг хийж байгаа Х.Нямбаатарын ажилд хэн нэгэн хөндлөнгөөс оролцох эрхгүй байдалтай байгаа" гэв.