2022/06/26
USD 2,811

Эрээнд 5 тохиолдол бүртгэгдэж, хотын хөдөлгөөнийг хаажээ

М.Төгөлдөр
2021/10/19

Өнөөдрийн байдлаар БНХАУ-ын Эрээн хотод Ковид-19-ын 5 тохиолдол бүртгэгдсэн бөгөөд 2021 оны 10 дугаар сарын 19-ний 00 цагаас эхлэн хотын хөдөлгөөнийг бүрэн хааж /хүнсний дэлгүүр, эмийн сангууд багтсан/ дэглэмийг чангатган иргэдийн хөдөлгөөнд дрон болон камераар хяналт тавьж байна.

2021 оны 10 дугаар сарын 13-ны өдөр Монголоос бараа бүтээгдэхүүн орж ирдэг Эрээн хотын Хуйтун ложистикийн бүст ажилладаг хятад ажилтнаас Ковид-19-ийн эерэг тохиолдол илэрч, шууд хавьтлын 33, дам хавьтлын 25 хүнийг тусгаарласан.

10 дугаар сарын 14-ний өдрийн 00:00 цагаас эхлэн нийт албан байгууллагын үйл ажиллагааг зогсоон 10 дугаар сарын 14-ний өдрийн 24.00 цаг гэхэд Эрээн хотын нийт иргэдийг эхний удаагийн PCR шинжилгээнд хамруулсан.

Эрээн хотод хөл хорионы дэглэм үйлчилж, албан байгууллага, сургууль, цэцэрлэгийн үйл ажиллагааг зогсоосон, хүнсний дэлгүүрүүд 2021 оны 10 дугаар сарын 18-ны өдрийн 11 цагаас эхлэн бүгд хаагдаж, зөвхөн дуудлагаар хүнсний зүйлийг гэрт хүргэж, хотын оршин суугчдыг гэрээсээ гарахгүй байхыг анхааруулж хөл хорионы дэглэмийг чангатгасан байсан.

Эрээн хот руу авто замаар орох хөдөлгөөн нээлттэй, гарах хөдөлгөөн хаалттай, Эрээн хот руу чиглэсэн төмөр замын зорчигч тээвэр зогссон.

Одоогоор Замын-Үүд, Эрээн автозамын боомтын хөдөлгөөнийг бүрэн зогсоосон, төмөр замын ачаа тээвэр явагдаж байна, хөл хорионы дэглэмээс шалтгаалан Эрээн өртөөнөөс ачилт хийгдэхгүй байна.

Эрээн хот одоогоор цар тахлын бага эрсдэлтэй бүсийн тоонд орсон бөгөөд Хятадын хэвлэлийн мэдээллийн хэрэгслээр энэ удаагийн халдварыг “дотоодын халдвар” хэмээн нэрлэж байна.

Эрээн хотод эрсдлийн бүсээс хамаарч 2, 3 дахь удаагийн ПСР шинжилгээг хэсэгчлэн авах ажлыг үргэлжлүүлэн хийсээр байна. 10 дугаар сарын 18-ны өдөр Эрээн хотын цар тахлаас урьдчилсан сэргийлэх хянах ажлын шуурхай штабаас цар тахлын нөхцөл байдалтай холбогдуулан 70 дугаар мэдэгдлийг гаргасан байна.

Өвчний тархац, нөхцөл байдалдтай холбогдуулан ӨМӨЗО-ны Шилийн гол аймгийн бусад хошуудад бэлэн байдлыг нэмэгдүүлж дараах арга хэмжээнүүдийг авч эхлээд байна.

1. Цар тахлын голомттой бүс нутаг болох Эрээн хот, Альшаа аймаг Эзнээ хошуу зэрэг газруудаас 2021 оны 10 дугаар сарын 1-ээс хойш ирсэн иргэдийг ПСР-ын шинжилгээнд хамруулж, гэрт нь 7 хоног тусгаарлах,

2. Олон нийтийн үйлчилгээний газруудад иргэдийг нэвтрүүлэхдээ биеийн халууныг тогтмол хэмжих зэргээр цар тахлын дэглэмийг чанд мөрдүүлөх,

3. Эмнэлгийн үйлчилгээний чадамжийг сайжруулж цар тахлаас урьдчилан сэргийлэх, халдвар тархах эрсдийг бууруулах нөхцлийг бүрдүүлж, бэлэн байдлыг хангах,

4. Хүнсний бүтээгдэхүүн, түүхий эдийн халдвараас урьчилан сэргийлэх ариутгал халваргүйжүүлэлтийг хийж, бүтээгдэхүүнээс тогтмол ПСР шинжилгээ авах,

5. Вакцинжуулалтад 18-аас дээш иргэдийг түүнчлэн, малчдыг хамруулах ажлыг эрчимжүүлж, цар тахлын үеийн дэглэм, урьдчилан сэргийлэх мэдээлэл түгээх ажлыг эрчимжүүлэх, цар тахлыг дэглэмийг зөрчсөн тохиолдолд холбогдох хуулийн хариуцлага хүлээлгэхийг сануулах зэрэг арга хэмжээг авч эхлээд байна.

БНХАУ-ын зарим бус нутгуудад цар тахлын нөхцөл байдал хүндрэх төлөвтэй байгааг анхааралдаа авч тус улсын Үндэсний Эрүүл мэндийн хороо, Өвчнөөс урьдчилан сэргийлэх, хяналтын товчооноос ӨМӨЗО, Нинься, Ганьсу, Шааньси мужуудад 2021 оны 10 дугаар сарын 18-нд ажлын хэсэг илгээж орон нутгийн удирдлагуудад цар тахалтай тэмцэх мэргэжил, арга зүйн удирдлагаар хангаж эхлээд байна гэж Монгол Улсаас Эрээн хотод суугаа Консулын газраас мэдээллээ.


Сэтгэгдэл (15)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.47.37
Mongold odort 12-15 hun tengerin oron luu yvj bn Hen ch toohgui zugeer l zond ni haysan tor zasag 1sar x 12 ( bagaar bodyo) =360 hun Iim bdlaar oboo heden sar bolloo 3sayaas hedni ildeh ve?
Хариулах
202.126.89.68
гадны орон аймаар сайн бна манайх бол шоу хийнэ дэ..жишээ авмаар юмаа
Хариулах
66.181.169.70
энэ харин системтэй шуурхай арга хэмжээ байна даа Санайх ч гэсэн ядаж аймаг, сумд ийм арга хэмжээ аваасайдаа
Хариулах
2607:fb90:b2ed:4510:f079:aeee:d64b:7e55
Shaal hudlaa hucjaahii uursniih n avilgald uurlsan joloichnariin boslogoos bolj hil haasaan umnu n kovidtoi bhd hilee haagaaguug sancgaa en zugeer uursnuusuu hariuclagaa holduulj bgaa tarhi ugaalt zaa
Хариулах
202.126.89.32
Хил хаах нь зөв 14–30 хоног байх
Хариулах
202.126.89.63
Ххххмммм
Хариулах
192.82.71.31
үхэр монголчууд өлсөж үхээский
Хариулах
103.212.117.137
mongold bol udurt 2,3 myngaaraa garch 15 hun uhej bna
Хариулах
64.119.19.135
t1 yum bichihiin zaaval hil haahaar hdeg yaj bgan harin ch ymarch haritsuulalt ursulduun bhgui suireh bus uu
Хариулах
66.181.161.126
Хил нэгмөсөн хаагдаасай амар зүгээр өөрсдөө хийж бүтээх боломж нээгдэж байна
Хариулах
202.126.90.150
yun svrtei yum dee.manaid bol barg zahiin hvn ne emchileed ugii shdee
Хариулах
103.212.118.206
ШУУРХАЙ АРГА ХЭМЖЭЭ АВАХ ЮМ.
Хариулах
66.181.160.124
Манайх бол короног дарах бодол байхгүйээ харин ч нэмэх гээл байна хахаха
Хариулах
202.9.46.120
манайд бол төр нь шоу зохион байгуулна тэгээд иргэддээ халдаана хаха
Хариулах
103.26.193.117
өө манайд бол амар шоудана
Хариулах