Засгийн газрын өнөөдрийн хуралдаанаар Боловсрол, шинжлэх ухааны яамны Төрийн нарийн бичгийн даргаар Л.Цэдэвсүрэнг томилсон байна. Л.Цэдэвсүрэн өмнө нь тус яамны Төрийн нарийн бичгийн даргаар ажиллаж байгаад 2020 онд сайдаар ажилласан.
У.Хүрэлсүхийн Засгийн газрыг огцорсноос хойш тэрбээр Ерөнхий сайдын Хууль зүйн бодлого хариуцсан зөвлөхөөр ажиллаж байгаад ийн буцаад яамандаа Төрийн нарийн бичгийн даргаар томилогдов.
Л.Цэдэвсүрэн 1994 онд МУИС-ийн хууль зүйн сургуулийг төгссөн, хуулийн магистр цолтой. Соёлын яамнаас ажлын гараагаа эхэлж, 1996-2000 онд Гэгээрлийн яаманд хуулийн зөвлөхөөр, 2000 оноос БСШУСЯ-нд хуулийн хэлтсийн даргаар, төрийн нарийн бичгийн даргаар тус тус ажилласан тэрээр төрийн албанд 25 жил ажилласан туршлагатай.
Сануулахад, Боловсрол, шинжлэх ухааны яамны яамны Төрийн нарийн бичгийн даргаар ажиллаж байсан Д.Батбаатарыг энэ сарын 6-ны өдөр өөрийнх нь хүсэлтээр үүрэгт ажлаас нь чөлөөлсөн юм.
Сэтгэгдэл (0)
Сэтгэгдэл бичигдээгүй байна