Засгийн газрын хуралдаанаар Хууль зүй, дотоод хэргийн дэд сайдаар ЗГХЭГ-ын дэд дарга Б.Солонгоог томилжээ.Тус яамны дэд сайдаар ажиллаж байсан С.Баатаржав нь Элчин сайдаар томилогдсон учраас орны хүнийг нь томилов.
Б.Солонгоо 1983 онд Улаанбаатар хотод төрсөн бөгөөд 2007 онд Унгар улсын Өөтвөш Лорандын шинжлэх ухааны их сургуулийн хууль зүй, улс төрийн шинжлэх ухааны сургууль төгссөн. Мөн 2010 онд Их Британийн Дандийгийн их сургууль, 2015 онд АНУ-ын Харвардын хуулийн сургуулийг тус тус төгссөн. Эрх зүйч мэргэжилтэй бөгөөд англи, унгар хэлтэй ажээ. Б.Солонго нь 2011-2017 онд "Хоган Ловеллс" олон улсын хуулийн фирмд хуульч, олон улсын ахлах хуульч, 2017 оноос одоог хүртэл "Авинекс партнерс" өмгөөллийн компанид гүйцэтгэх захирлаар ажиллаж байгаа ажээ.
Тэрбээр өнгөрсөн хугацаанд Оюутолгойн төслийг сайжруулах ажлын хэсэгт голлох ажлыг нугалж байсан юм.
Сэтгэгдэл (0)
Сэтгэгдэл бичигдээгүй байна