УИХ-ын гишүүн асан, МУГЖ, С.Жавхлан нь Сангийн сайд Б.Жавхлангаас тоглолт хийхийн тулд 4 тэрбум төгрөг шаардсан. Үүнийг нь зөвшөөрөөгүйн улмаас суулт зарлаад байгаа талаар манай сайтад өгсөн ярилцлагадаа онцолсон. Харин үүнд С.Жавхлан зарим хэвлэлд тайлбар өгч "Тийм зүйл бол огт болоогүй, Тэр Сангийн сайд Б.Жавхлангаас өөрөөс нь асуу! Сүүлийн үед таараад мэнд устай зөрж байсан тохиолдлууд бол байгаа" гэсэн хариулт өгсөн байдаг.
Дээрх асуудлаар өчигдөр орой Сангийн сайд Б.Жавхлангаас Цагдаагийн байгууллага мэдүүлэг авсан. Энэ талаар түүнээс тодруулахад тэрбээр " Мэдүүлэг авсан нь үнэн. Болсон үйл явдлын талаар бодит зүйлийг ярьсан. Тухайн уулзалтад надаас гадна хоёр ч хүн хамт байсан. Ярьсан бүх зүйлдээ би хариуцлага хүлээнэ. Засгийн газраас санхүүжүүлэх боломжгүй гэдгийг би хэлсэн. Бид ямар жоохон хүүхдүүд биш, гараад нүүрэлдэх шаардлагагүй. Би өгсөн мэдүүлгийнхээ хүрээнд л болсон үнэнийг ярина. Худал, үнэнийг хуулийн байгууллага тогтооно" гэлээ.
Сэтгэгдэл (0)
Сэтгэгдэл бичигдээгүй байна