Гадаадын хөрөнгө оруулалтын тухай хуульд нэмэлт, өөрчлөлт оруулах хуулийн төслийг санаачилсан дөрвөн гишүүнийг эгүүлэн татах асуудлаар иргэн Ч.Эрдэнэбат энэ сарын 12-нд Үндсэн хуулийн цэцэд хандсан.
Энэ талаар тус хуулийг санаачлагч, УИХ-ын гишүүн Х.Ганхуягаас тодрууллаа. Тэрбээр " Энэ тухай мэдээллийг сая л авлаа. Ямар үндэслэлээр өгсөнийг нь сайн ойлгосонгүй. Хуультай холбоотой Үндсэн хууль зөрчсөн гэж байхгүй. УИХ-аас хуулийн төслийг хэлэлцэхийг нь дэмжсэн. Бүлэг дээр цааш хэрхэхийг нь шийдэхээр болж байна. Бүлгээс хуулийн төслөө тат гэсэн байр суурийг илэрхийлсэн. Миний хувьд санаачилсан хуулиа татах сонирхолгүй байна. Хуулийн бүх хүрээнд нийцсэн хуулийн төсөл. Энэ хуулиар виз олгохгүй. Мөнгөн босгын хувьд 50 мянган.доллароос доошгүй хөрөнгө оруулалт хийсэн байх ёстой гэж тусгасан. Энэ зохицуулалтыг Засгийн газрын журмаар тогтоох боломжтой" гэлээ.
Одоо үйлчилж байгаа хуулиар гадаадын компани Монгол Улсад бизнес эхлэхийн тулд гадаадын хөрөнгө оруулалттай аж ахуйн нэгж эсвэл төлөөлөгчийн газар гэсэн статусын аль нэгийг сонгох хэрэгтэй болдог. Мөн гадаадын хөрөнгө оруулалттай аж ахуйн нэгжийн 25-аас доошгүй хувийг гадаадын компани эзэмшсэн байх ба 100 мянган ам.доллароос доошгүй хөрөнгө оруулалт хийсэн байх ёстой. Энэхүү хөрөнгийн босго нь гадаадын хөрөнгө оруулалттай аж ахуйн нэгж байгуулахад шаардлагагүй бөгөөд харин тухайн хөрөнгө оруулагч болон түүний гэр бүл нь Монгол Улсад байнга оршин суух виз хүсэх тохиолдолд Монгол Улсад оруулах хөрөнгө оруулалтын доод хэмжээг зааж өгөх нь тохиромжтой гэж хуулийн төсөл санаачлагч үзжээ.
Сэтгэгдэл (0)
Сэтгэгдэл бичигдээгүй байна