УИХ-ын чуулганы хуралдаанаар Монгол Улсын Засгийн газрын бүтцийн тухай хуульд нэмэлт, өөрчлөлт оруулах тухай болон бусад хуулийн төслүүдийг хэлэлцэх эсэхийг нь хэлэлцэж байна.
Монгол Улсын Засгийн газрын бүтцэд Эдийн засаг, хөгжлийн яам, Цахим хөгжил, харилцаа холбооны яамыг, Засгийн газрын бүрэлдэхүүнд эдийн засаг, хөгжлийн асуудал эрхэлсэн Засгийн газрын гишүүн, цахим хөгжил, харилцаа холбооны асуудал эрхэлсэн Засгийн газрын гишүүнийг тус тус нэмж байгаатай холбогдуулан Монгол Улсын Засгийн газрын тухай хуульд нэмэлт, өөрчлөлт оруулах тухай хуулийн төсөл болон холбогдох бусад хууль, Улсын Их Хурлын тогтоолын төслийг боловсруулсан.
Хуулийн төсөлтэй холбогдуулан УИХ-ын гишүүд асуулт асууж байна.
УИХ-ын гишүүн С.Чинзориг "Хоёр яам, дөрвөн агентлаг шинээр байгуулах юм байна. Төсөв дээр шинээр нэмэгдэж байгаа төсөв нь ямар байгаа вэ. Шинээр орон тоо нь хэд байх вэ" гэдгийг тодрууллаа.
Түүний асуултад ЗГХЭГ-ын дарга Ц.Нямдорж хариулахдаа тэрбээр "Эдийн засгийн хөгжлийн бодлого хариуцдаг газрын Шадар сайдад хариуцуулах, шинэ сайдыг Шадар сайдын түвшинд тавих гэсэн хоёр хувилбар яригдаж байгаа. Эдийн засаг, хөгжлийн яамны төсөв дээр 4.3 тэрбум төгрөг, Цахим яамны төсөв дээр 1.8 тэрбум төгрөг суусан. 30-40 хүнтэй хоёр агентлаг ажиллаж байгаа. Төсөвт тооцож оруулсан нь Хөгжлийн болон Цахим яам тус бүр 80 хүний бүрэлдэхүүнтэй байх юм. Гэхдээ өөрчлөгдөж болно" гэлээ.
Сэтгэгдэл (0)
Сэтгэгдэл бичигдээгүй байна