2021/11/30
USD 2,811

У.Мөнх-Эрдэнэ коронавирусийн халдвар авч, боксын ДАШТ-нийг орхилоо

Ш.АДЪЯАМАА
2021/10/21

Олон улсын боксын холбоо( AIBA)-ны эрэгтэйчүүдийн дэлхийн аварга шалгаруулах тэмцээн аравдугаар сарын 25-нд Серби улсын нийслэл Белград хотод эхэлнэ.108 орны 600 гаруй тамирчид 13 жинд өрсөлдөх тэмцээнд манай улсаас есөн тамирчин оролцохоор энэ сарын 16-ны өдөр эх орноосоо мордсон. 

ДАШТ-ний 75 кг жинд Монгол Улсаа төлөөлөн У.Мөнх-Эрдэнэ оролцохоор эрхээ авсан боловч харамсалтай нь коронавирусийн халдвар авч тэмцээндээ оролцох боломжгүй болжээ. Тэрбээр өчигдөр  эх орон руугаа буцжээ. 

 Мэдээллийг бататгахаар Монголын боксын холбооны Дэд ерөнхийлөгч Ц.Бат-Энхээс тодруулахад, тэрбээр "Тамирчид цугларлалтаас буусны дараа тэмцээнд явах хүртлээ бүгд зочид буудалд тусгаарлалтад байсан.Энэ үеэр У.Мөнх-Эрдэнэ дур мэдэн гэртээ харьсан байсан. Өчигдөр Белград хотоос Монгол руу буцсан" гэлээ.

 Тамирчид Эрдэнэтийн "Сэлэнгэ" амралтын баазад бэлтгэлээ хангасан билээ. 39 настай боксчин У.Мөнх-Эрдэнийн хувьд энэ удаагийн эрэгтэйчүүдийн дэлхийн аварга шалгаруулах тэмцээн сүүлийн боломж нь байсан гэж хэлж болно. Тэрбээр Азийн аваргын алт, мөнгө, хүрэл, ДАШТ-ний хошой хүрэл, Лондонгийн олимпийн хүрэл медальтай юм. 


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.26.195.31
korona udaan hugatsaand naaldaj tun hurdeg
Хариулах
66.181.187.141
Боксын холбооныхон хэдэн тамирчнаа КОВИДООС сэргийлж чаддаггүй их муу байна. ХАА холын ЭРДЭНЭТийн хялганатын сэлэнгэ амралтаас ХОТ руу тамирчин чөлөөтэй явж л байдаг. НЭГ сар тэвчиж болдоггүй. МОНГОЛын боксын холбоо их муу ажиллаж байна.
Хариулах