2021/12/03
USD 2,811

Н.Учрал: Гар хөлөө оролддог, нүүр амаа мааждаг, хамрын тамхи татдаг гаж зуршилтай хүмүүс төрийн албанд ажиллахгүй гэж ойлгогдохоор байна

Ш.АДЪЯАМАА
2021/10/22

УИХ-ын чуулганы хуралдаанаар Төрийн албаны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна.

 Хуулийн төсөлд тусгасан улс төрийн албан тушаалтанд тавигдах нийтлэг болон тусгай шаардлагыг баталснаар төрийн гүйцэтгэх эрх мэдэл, орон нутгийн удирдлагын мэдлэг, ур чадвар, ёс зүйн хариуцлага нэмэгдэх, төрөөс баримталж буй бодлого хэрэгжих бөгөөд иргэд төрд итгэх итгэлийг нэмэгдүүлэх, төрийн үйлчилгээг үр дүнтэй болгох, шийдвэр гаргалт, хэрэгжилтийг удирдлагаар хангах, хэрэгжүүлэх зэрэг нийгэмд эерэг үр дүн гарна хэмээн хуулийн төсөл санаачлагчид үзэж буй аж.  

Хэлэлцэж буй асуудалтай холбогдуулан гишүүд үг хэлж, хариулт авч байна. 

Хэлэлцэж буй асуудалтай холбогдуулан гишүүд үг хэлж, хариулт авав. 

УИХ-ын гишүүн Н.Учрал: Г.Тэмүүлэн нарын гишүүдийн өргөн барьсан хууль нь хуулийн техник, шаардлага хангахгүй байна. Хуулийг ингэж лоозонгийн шинжтэй байж болохгүй. Төрийн албаны тухай хуулиар ингэж хамаагүй оролдож болохгүй. Г.Тэмүүлэн нарын санаачилсан хуулиар улс төрийн албан тушаалтнуудад тодорхой шаардлага тавьж байгаа юм байна. Гэхдээ яаж хэмжих нь тодорхойгүй байна. Жишээ нь, аливаа гаж зуршилгүй, зан төлөвийн доголдолгүй байх гэж юуг ойлгох вэ. Гар хөлөө оролддог, нүүр амаа мааждаг, зогсож чаддагүй зэрэг онцлогтой хүмүүс байдаг. Мөн хамрын тамхи татах хүртэл гаж зуршилд орно. Зан төлөвийн доголдолгүй гэдгийг юугаар хэмжих вэ. Хүний эрхийг дээдэлдэг, шударга ёсыг эрхэмлэдэг, бусдын нөлөөнд автаггүй гэдгийг яаж мэдэх юм, юугаар хэмжих вэ.Энэ бүхэн нь тодорхойгүйгээс дарга нар нь доод албан тушаалтнуудаа “Чи зан төлөвийн доголдолтой, хүний эрхийг дээдэлдэггүй” гэж ялгаварлан гадуурхвал яах вэ. Энэ шаардлага нийцээгүй гэж хэлээд албан тушаалаас нь чөлөөлөхөөр болж байна.Сануулах арга хэмжээ шаардлагагүй. Хэрэв арга хэмжээ авч байгаа бол ажлаас нь шууд чөлөөлдөг байх хэрэгтэй. Ийм ойлгомжгүй хууль гаргах юм бол сүүлдээ төрийн энгийн  албан хаагчдыг хэлмэгдүүлж эхэлнэ шүү. Архангайн гурван гишүүн маань хоорондоо хуулиа яриа нэгтгээд оруулж ирж болдоггүй юм уу. Энэ хуулиараа “Нуухыг нь авах гэж байгаад нүдийг сохлох” вий дээ.  Мөн шаардлага нь хүртэл ялгаварлалтай байна. Тиймээс энэ хууль дээрээ сайтар ажилла гэж хэлмээр байна.

Хууль санаачлагч, УИХ-ын гишүүн  Г.Тэмүүлэн: Энэ хуулийн төсөлд дэх заалт нь зөвхөн улс төрийн албан хаагчдад тавигдсан заалт. Төрийн албан хаагчдийг хэлмэгдүүлсэн заалт байхгүй. Өнөөдөр 206 мянган төрийн албан хаагч ажиллаж байна. Тэдний 3600 нь улс төрийн албан хаагч. Төрийн албан хаагчдыг хэлмэгдүүлдэг мэргэжлийн бус хүмүүстШаардлага тавья гэж энэ хуулийг оруулж ирсэн. Нийтлэг болон тусгай шаардлага тавигдана. Салбартаа ч танигдаагүй хүмүүс өнөөдөр төрийн албыг самарч байна. Гаж зуршил, зан төлөвийн догогдол гэдгийг сахилгын шийтгэл, зөрчил гаргаж төрийн албанаас халагдаж байгаагүй, мөн гэмт хэрэгт ял шийтгэгдэж байгаагүй гэсэн асуудлын хүрээнд ойлгож болно. 



Сэтгэгдэл (8)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.46.230
Г.Тэмүүлэн : Төрийн албан хаагчдыг хэлмэгдүүлдэг мэргэжлийн бус хүмүүст шаардлага тавья гэж ЭНЭ ХУУЛИЙГ ОРУУЛЖ ИРСЭН гэнэ. Гэтэл би 29 жил улсад ажил/сан. Би Н.Учралын : 1) мэргэжилдээ ур чадвартай,2)шударга ёсыг эрхэмлэдэг, 3)бусдын нөлөөнд автахгүй байх ёстой шүү дээ. Гэтэл дарга, болон улс төрийн албан хаагч нь дарамталж өөр газар хуваарилна шүү дээ. Би Н.Учралын хэлж байгааг дэмжиж байна.Г.Тэмүүлэн сайн судалж байгаад нэмэлт, өөрчлөлт оруулаарай.
Хариулах
202.9.46.230
Н.Учрал бол хар тамхи хэзээ ч хэрэглэдэггүй хүүхэд . Тэтгэврийн бидний төлөө явж байгаа Монголын анхны залуу шүү!
Хариулах
66.181.181.97
Чи харсан юм уу? Эргүү ац минь
Хариулах
192.82.72.157
Н. Учрал шиг хар тамхи хэрэглэдэг хүнийг бүр ажиллуулж болохгүй
Хариулах
139.5.218.79
Тэмүүлэнгийн санаа зөв. Учрал худлаа үгийн шалтаг битгий хайж энэ хуулийг саатуулаад бай. Улс төрийн албан тушаалтан нэрээр ямар ч туршлага, мэдлэггүй, нам дагаж цүнх барисан нэг нөхөр ирээд л төрийн албыг самарсаар 30 жил боллоо
Хариулах
202.126.90.117
Яаг үнэн , очих хэрэгтэйшдээ
Хариулах
202.9.40.245
Ммонголоо гэсэн хүмүүс талбай дээрээ очооч Ариунаа Буяндорж.Цэгмэд Очсон байна сайн байна.Жагар Өэлүн БуянЖагаа.ТэрУрлаг спортын алдартангууд хамгийн их ардчилалын буяныг эдэлж амьдрал ажил нь жигдэрсэн хүмүүс шүү дээ тэд нар яагаад талбайд очихгүй байнаа.БатОргил .ТордойГанболд нар очиж нэгдээчээ
Хариулах
66.181.161.31
Uursduu turin alband ajillaj uzeegui baij yaj huulig uurchluh ve dee.
Хариулах