Илон Маскийг SpaceX компанийнхаа ачаар дэлхийн анхны их наяд долларын хөрөнгөтэй хүн болох боломжтой тухай “Morgan Stanley” банкны аналиткч Адам Жонсон тооцсоныг “Bloomberg” уламжилжээ.
Энэ оны эхээр Илон Маск “Tesla Inc” компанийн орлогын тусламжтайгаар анх удаа Жефф Безосыг гүйцэд түрүүлэн дэлхийн хамгийн баян хүнээр тодорсон. “Tesla” одоо ч үүсгэн байгуулагчаа эрчимтэй баяжуулсаар байна. Жишээлбэл, зөвхөн энэ даваа гарагийн байдлаар гэхэд “Tesla” компани Илон Маскийг даруй 6 тэрбум доллароор баян болгов.
Түүний хөрөнгийн хэмжээ 241,4 тэрбум доллар хүрсэн. Гэвч дийлэнх шинжээчдийн бодлоор цаашдаа Илон Маскийг тэрбумтнаас давж их наяд доллартой болгох нь Tesla биш харин SpaceX байх аж.
Яагаад гэвэл SpaceX нь тун удахгүй сансар судлалын салбарт төдийгүй дэлхийн хамгийн үнэтэй компани болно гэдэгт Адам Жонсон итгэлтэй байгаа юм байна. Одоогоор Илон Маскийн 241,4 тэрбум долларын хөрөнгийн 17 хувийг SpaceX эзэлж байгаа. Тэгвэл аравдугаар сарын байдлаар SpaceX-ийн нийт хөрөнгөжилт нь 100 тэрбум доллар давж гараад байна. Гэвч Адам Жонсон тооцсоноор SpaceX компани үнэн хэрэг дээрээ 200 тэрбум долларын үнэд хүрч байгаа аж.
SpaceX-ийн дотор хамгийн үнэд хүрэх төсөл нь хиймэл дагуулын холбооны “Starlink” төсөл гэж Жонсон үзжээ.
Гэхдээ Илон Маск нь SpaceX компанийн ойролцоогоор тэн хагасыг нь эзэмшдэг гэж тооцсон учраас тэрбумтнаас давж их наяд доллартой болох хүртэл нэлээд урт замыг туулах шаардлагатай болох юм байна.
Сэтгэгдэл (0)
Сэтгэгдэл бичигдээгүй байна