Даваа гариг бүр УИХ дахь намын бүлгүүд хуралддаг. Хуваар ёсоор УИХ дахь АН бүлэг хуралдах ётой ч намын дотоод асуудлаас үүдэж, ирц нь хүрээгүй гэдгийг УИХ-ын гишүүн Б.Пүрэвдорж хэллээ.
УИХ-ын гишүүн Б.Пүрэвдоржийн хувьд Төсвийн зарлагын хяналтын дэд хорооны даргаар ажилладаг. Түүнээс төсвийн талаар тодрууллаа. Тэрбээр “Нийтдээ 170 гаруй объектыг царцааж 570 тэрбум төгрөг хэмнэх боломжтой гэдгийг би тодорхой хэлсэн. Гэтэл тойрогт маань хийгдэх хөрөнгө оруулалтуудыг бүгдгийг нь хасчихсан. УИХ-ын гишүүд 8 тэрбум төгрөгийн төсөвт өртөгтэй. Ирэх жил 4 тэрбум төгрөгөөр санхүүжүүлэх эрхийг өгсөн. Миний сонгогдсон тойрогт нийгмийн ажлуудыг төрөөс хийх шаардлагатай. Харамсалтай нь миний тойргийн хөрөнгө оруулалтуудыг хасч, ганц Багшийн хөгжлийн ордонд шаардагдах 3 тэрбум төгрөгийг л үлдээсэн байна лээ” гэв.
Сэтгэгдэл (0)
Сэтгэгдэл бичигдээгүй байна