УИХ дахь МАН-ын бүлгийн хуралдаанаар төмөр замын асуудлыг хаалттай хэлэлцэж байна. Энэ талаар УИХ-ын гишүүн Б.Энх-Амгалангаас тодруулахад, тэрбээр "Төрөөс төмөр замын тээвэрт баримтлах бодлогын баримт бичигт боомтуудыг холбосон төмөр зам, гол төмөр зам буюу Улаанбаатар төмөр замын үйл ажиллагааг идэвхжүүлэх асуудлыг тусгасан. Хангимандалын төмөр зам мөн бодлогын баримт бичигт тусгагдсан. Төмөр замын бүтээн байгуулалтыг төрийн оролцоотой хийх нь илүү хурдан явна. Зүүнбаян-Тавантолгой чиглэлийн төмөр замыг төр хоёр жилийн хугацаанд барьж гүйцэтгэсэн. Тийм учраас төмөр замыг төр, хувийн хэвшлийн түншлэлийн хүрээнд хийх нь илүү үр дүнтэй” гэлээ.
Мөн тэрбээр УБТЗ-ын даргын асуудлаар байр сууриа илэрхийлж, "УБТЗ-ын даргад одоогоор яригдаж байгаа нэр алга. Монголын талаас УБТЗ-ын даргыг томилох байх" гэсэн тайлбарыг өглөө.
Сэтгэгдэл (0)
Сэтгэгдэл бичигдээгүй байна