Засгийн газрын зарим сайд өнөө өглөө сэтгүүлчидтэй чөлөөт уулзалт хийж, ирэх оны төсвийн талаар мэдээлэл өгсөн. Энэ үеэр Дарханы зам ирэх оны аравдугаар сард багтаж дуусах уу гэдгийг ЗТХ-ийн сайд Л.Халтараас тодруулахад тэрбээр " Дарханы замыг эхлүүлсэн нь хамгийн чухал. Аливаа ажлыг эхлүүлнэ гэдэг нь ажлын 50 хувь. Санхүүжилт нь олдсон. Дарханы замын 2,4 багц дээр шалгарсан компани нь хариуцлагагүй хандсан нь үнэн. 2020 оны наймдугаар сараас гэрээг цуцлах асуудлыг хөндөж маргаан ч их гарсан. Хэрүүл ч болсон. Улмаар хийгээгүй ажлаа хийсэн мэтээр тайлбарлаж гүйцэтгэл бичсэнийг яам хүлээн зөвшөөрөхгүй гэсэн маргаан гарсан. Үүнээс болж 2021 оны хавар ажил хийгдээгүйг нуухгүй. Дараагийн гүйцэтгэгч компани шалгарч, ажлаа эхлүүлсэн. Машин явахад хүндрэлтэй хэсгийн замуудыг хучсан.
Бусад багцад ажиллаж байгаа компаниудын хувьд гүүр, хоолойны ажлаа эхлүүлсэн. Энэ өвөл хатуу ухмалтай газруудын хэсгийн ажлаа хий гэсэн чиглэлийг дөрөвдүгээр багцад ажиллаж байгаа зөвлөх компанид өгсөн. Дарханы замын ажлыг удаан яваасай, ажил нь бүтэхгүй байгаа гэсэн цөөн хүн бий. Энэ ажил явж байгаа. Ирэх оны аравдугаар сард бид хөдөлгөөнөө нээхийн төлөө ажиллаж байна” гэлээ.
Сэтгэгдэл (0)
Сэтгэгдэл бичигдээгүй байна