Пфайзер үйлдвэрлэгчийн BNT162b2 /Комирнэти/ вакцины хадгалалтын хүчинтэй хугацааг 6-9 сар болгож сунгасан шийдвэрийг ДЭМБ-аас 2021 оны есдүгээр сарын 21-ний өдөр гаргажээ.
Дээрх шийдвэр нь АНУ болон Европын Холбооны Улсад үйлдвэрлэж КОВАКС хөтөлбөрөөр дамжуулан дэлхийн улс орнуудад түгээгдсэн, шошго дээрээ “2022 оны гуравдугаар сарын төгсгөлд хадгалах хугацаа дуусах”-аар бичигдсэн Пфайзер вакцины бүх цувралд хамаатай юм байна. Энэхүү шийдвэрийн дагуу вакциныг ‑90°C -ээс ‑60°C-ийн хэт гүн хөлдөөгчөөс ил гаргахгүй, гэсгээхгүй нөхцөлд бүтээгдэхүүнийг хэт гүн хөлдөөгчид тасралтгүй есөн сарын туршид хадгалах боломжтой болжээ.
Түүнчлэн дээрх шийдвэр нь 2021 оны зургадугаар сард үйлдвэрлэсэн цувралуудад мөн нөхөн үйлчлэх юм байна. Өнөөдрийн байдлаар хамгийн цаад тал нь 2022 оны гурван сард хүчинтэй хугацаа дуусах шошго бүхий бүтээгдэхүүнүүд дэлхийн улс орнуудад түгээгдсэн байгаа ба тэдгээрийн хүчинтэй хугацаа мөн 3 сараар сунгагдаж байна.
Жишээ нь, 2021 оны 12 дугаар сарын 31-нд дуусах хугацаатай вакциныг хэт гүн хөлдөөгчид хадгалах хугацаа нь 2022 оны 3 дугаар сарын 31-ний өдөр дуусна гэсэн үг.
Пфайзер үйлдвэрлэгчийн зүгээс энэ оны арваннэгдүгээр сараас эхлэн үйлдвэрлэх дараа дараачийн цувралын бүтээгдэхүүнүүд дээрээ хадгалалтын хугацааг есөн сар болгосон шинэчилсэн шошгоо хэвлэх эхлэх юм байна.
-8°C
Сэтгэгдэл (5)