Иргэдээс ирсэн гомдлын дагуу манай сурвалжлах баг СХД-ийн 32 дугаар хороо хуучнаар 22 товчоо явах зам дагуу хууль бусаар эзэмших эрхийн гэрчилгээ олгогдсон газрыг сурвалжилсан билээ. Монгол улсын авто замын тухай хуулийн 16 дугаар зүйлийн 16.2-т заасан зүйл заалтыг зөрчин олгогдсон уг газар нь 2008 онд анх ашиглалтын эрхтэйгээр олгогдож улмаар Газрын тухай хууль зөрчиж ямар нэгэн үйл ажиллагаа эхлүүлэлгүй 14 жил болоход газрын эрхийг цуцлах байтал дахин 15 жилийн хугацаатайгаар 2028, 2033 он хүртэл эзэмшихээр сунгагдсан байсан юм. Харин бид ийнхүү хууль зөрчин олгодсон газрыг сурвалжилснаар үр дүнд хүрч СХД-ийн Засаг дарга Н.Алтаншагай газар эзэмших эрхтэй иргэнд газраа чөлөөлөх тухай мэдэгдлийг энэ сарын 22-ны өдөр хүргүүлж хариу тайлбарыг 11 дүгээр сарын 05-ны өдрийн дотор ирүүлэхийг шаардсан байна. Мөн Нийслэлийн газрын албанаас уг газрыг цуцлах саналыг СХД-ын Засаг даргад хүргүүлсэн байна.
30°C
Сэтгэгдэл (1)